Hüseyn Rəsulov

Hüseyn Rəsulov
Rəsulov Hüseyn Bəxtiyar oğlu
Hüseyn Rəsulov.
Doğum tarixi	1923(1923-Şablondakı doğum və ya ölüm tarixində texniki yanlışlıq var!-00)
Doğum yeri	Nuxa, Nuxa qəzası, Azərbaycan SSR, ZSFSR, SSRİ
Vəfat tarixi	1991(1991-Şablondakı doğum və ya ölüm tarixində texniki yanlışlıq var!-00)
Vəfat yeri	Şəki, Azərbaycan
Vətəndaşlıq	SSRİ
Təhsili	Nuxa Pedaqoji Məktəbi (–1941) Nuxa İkiillik Müəllimlər İnstitutu (1943—1945)
Mükafatları

Hüseyn Rəsulov (1923–1991) — tanınmış pedaqoq, Azərbaycan SSR əməkdar müəllimi. Şəki şəhər 10 №-li orta məktəbinin direktoru, Şəki rayon Xalq Maarif şöbəsinin müdiri və s. vəzifələrdə çalışıb. Həmçinin, ədəbi yaradıcılıqla da məşğul idi.

Haqqında məlumatlar

1923-cü ildə Nuxada anadan olub.

Təhsili

1941-ci ildə Nuxa Pedaqoji Məktəbini bitirib.

1941-ci ilin sentyabr ayından 1942-ci ilin fevral ayına qədər Suxumu hərbi-piyada (atıcı-pulyomotçu) məktəbində,

1943 — 1945-ci illərdə Nuxa İkiillik Müəllimlər İnstitutunda təhsil alıb.

Hərbi xidmətdə

5 avqust 1941-ci ildə Sovet Ordusu sıralarına çağırılıb.

1942-ci ilin fevral ayında kiçik leytenant rütbəsi alıb (Suxumu hərbi-piyada (atıcı-pulyomotçu) məktəbinini bitirdiyinə görə).

1942-ci ilin mart ayından dekabr ayına kimi 416-cı Azərtbaycan diviziyasında bölük və vzvod komandiri olub.

1942-ci ilin dekabr ayında əlindən yaralandığına görə ordudan tərxis edilib.

Əmək fəaliyyəti

1941-ci ildə bir neçə ay Nuxa rayonunun Aşağı Göynük kəndində müəllim işləyib.

1945 – 1946-cı illərdə Nuxa şəhər 6 №-li orta məktəbində dərs hissə müdiri,

1946 – 1974-cü illərdə Nuxa/Şəki şəhər M.Qorki adına 10 №-li orta məktəbində müəllim işləmiş, əvvəl ibtidai siniflər üzrə tədris hissə müdiri, sonra isə direktor olmuşdur.

1974-cü ilin mart ayından 1974-cü ilin sentyabr ayınadək Şəki şəhər Xalq Maarif şöbəsinin,

1974-cü ilin sentyabr ayından 1977-ci ilədək Şəki rayon Xalq Maarif şöbəsinin müdiri olub.

Daha sonra Şəki şəhər Xalq Maarif şöbəsində metodist işləyib.

Ədibi fəaliyyəti

Lütfəli Həsənovla birlikdə “Bağışla məni, əzizim” adlı pyesin müəllifidir. Bu əsər Şəki Dövlət Dram Teatrında tamaşaya qoyulub.

Təltif və mükafatları

• Orden və medallar;
• “Azərbaycan SSR əməkdar müəllimi” fəxri adı.
• “Qabaqcıl maarif xadimi” döş nişanı

Vəfatı

1991-ci ildə – 77 yaşında, Şəkidə vəfat edib.

Ədəbiyyat

1. Mete Ə. Rəsulov Hüseyn Bəxtiyar oğlu // O torpağın övladları. — Bakı: Nurlan, 2006. — Səhifələrin sayı:  608. — Səh.: 122. — 500 nüsx.
2. Şükürov R., Orsər R. Rəsulov Hüseyn Bəxtiyar oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 196 – 197. — (Ş 4702060200). — 1.000 nüsx. — ISBN 978995244710.