Murad Nəbibəyov

Murad Nəbibəyov
Nəbibəyov Murad Rüstəm oğlu
Murad Nəbibəyov, 2015-ci il
Doğum tarixi	4 iyun 1955 (1955-06-04)
Doğum yeri	Nuxa, Azərbaycan SSR, SSRİ
Atası	Rüstəm Nəbibəyov
Vətəndaşlıq	SSRİ→ Azərbaycan
Təhsili	Ç.İldırım adına Azərbaycan Politexnik İnstitutu, metallurgiya fakültəsi (1982)
Fəaliyyəti	Şəki bələdiyyəsi mətbuat və ictimaiyyətlə əlaqələr şöbəsinin müdiri və “Şəki Bələdiyyəsi” qəzetinin baş redaktoru (2005-ci ildən)
Şəxsi Facebook səhifəsi

Murad Nəbibəyov (Nəbibəyov Murad Rüstəm oğlu; d.  4 iyun 1955-ci il, Nuxa, Azərbaycan SSR, SSRİ) – Şəki bələdiyyəsinin mətbuat və ictimaiyyətlə əlaqələr şöbəsinin müdiri, “Şəki Bələdiyyəsi” qəzetinin baş redaktoru (2005-ci ildən), Azərbaycan Jurnalistlər Birliyinin üzvü (2015).

Haqqında məlumatlar

1955-ci ildə Nuxada anadan olub.

1961 – 1969-cu illərdə Nuxadakı Mirzə Ələkbər Sabir adına 5 saylı,

1969 – 1971-ci illərdə isə Maksim Qorki adına 10 saylı məktəbdə oxuyub.

1971-ci Şəki 55 saylı Tikinti-Quraşdırma İdarəsində fəhlə kimi əmək fəaliyyətinə başlayıb.

1982-ci ildə Ç.İldırım adına Azərbaycan Politexnik İnstitutunun metallurgiya fakültəsini bitirib.

1976 – 1978-ci illərdə hərbi xidmət borcunu yerinə yetirib.

Əsas iş yerləri

1982-ci ildə “Bakı məişət kondisioneri” Elm İstehsalat Birliyinin Bakı Elektrik Ştampları təcrübə zavodunda mühəndis-texnoloq vəzifəsinə işə qəbul edilib.

1992-ci ilədək həmin zavodda daha sonra usta, baş usta, sahə və sex rəisi vəzifələrində, eyni zamanda 1988-ci ildə zavodun nəzdində təşkil edilmiş İstehsalat-kommersiya kooperativinin sədri vəzifəsində çalışıb. 1992-ci ildə – kooperativ müstəqillik statusu aldıqdan sonra, 1997-ci ilədək həmin kooperativin sədri olub.

1997 − 2005-ci illərdə “Kriminal” qəzetində baş redaktorun müavini, “Zaman-Azərbaycan” və “Ədalət” qəzetlərində sosial həyat və iqtisadiyyat şöbəsinin müdiri vəzifələrində çalışıb. Eyni zamanda müxtəlif qəzetlərlə (“Mərkəz”, “Qol”, “Axşam”, “Son söz” və s.) əməkdaşlıq edib.

2005-ci ildən Şəki bələdiyyəsində mətbuat və ictimaiyyətlə əlaqələr şöbəsinin müdiri və “Şəki Bələdiyyəsi” qəzetinin baş redaktoru vəzifəsində işləyir.

Əlavə iş yerləri

2006 − 2008-ci illərdə “Şəki” qəzetində baş redaktorun müavini,

2009 − 2016-cı illərdə isə AMEA Şəki Regional Elmi Mərkəzində elmi işçi vəzifələrində çalışıb.

Mükafatları

• “Azərbaycanın ən yaxşı gənc səmərələşdiricisi” adı, iki dəfə (Bakı Elektrik Ştampları təcrübə zavodunda istehsalatda tətbiq edilmiş çoxsaylı səmərələşdirici təkliflərinə görə);
• “İlin qalibi” diplomu, 2008 (Şəki Şəhər İcra Hakimiyyətinin ilin yekunlarına görə mükafatı);
• Azərbaycan Mətbuat Şurasının diplomu, 2015 (mətbuat sahəsindəki çoxillik səmərəli fəaliyyətinə və 60 illik yubileyinə görə)
• “Qızıl qələm”, 2015 (Azərbaycan Jurnalistlər Birliyinin mükafatı).