Məmmədiyyə Cabbarov

Məmmədiyyə Cabbarov
Cabbarov Məmmədiyyə Süleyman oğlu
Məmmədiyyə Cabbarov.
Digər adı	Məmmədiyyə Süleymanlı
Doğum tarixi	1 iyun 1910(1910-06-01)
Vəfat tarixi	30 mart 1997 (86 yaşında)
Uşaqları	Qurtuluş, Bahar, Elman
Təhsili	• Bakı Pedaqoji Texnikumu (1927–1931)  • Azərbaycan Müəllimlər İnstitutunu (qiyabi, –1931)
Mükafatları

Məmmədiyyə Cabbarov (1910–1997) — yazıçı, publisist və jurnalist; müxtəlif illərdə “Nuxa fəhləsi” qəzetinin redaktor əvəzi, Azərbaycan Radio Komitəsinin Nuxa filialının redaktoru, “İpəkçi” qəzetinin redaktoru, Azərbaycan SSR “Bilik” cəmiyyətində redaksiya-nəşriyyat şöbəsinin redaktoru və s. vəzifələrdə çalışıb.

Haqqında məlumatlar

1 iyun 1910-cu il tarixdə Nuxada, tacir ailəsində anadan olub.

Təhsili

Nuxada natamam-orta,

1927 – 1931-ci illərdə Bakı Pedaqoji Texnikumunda ana dili və ədəbiyyat müəllimi ixtisası üzrə orta-ixtisas təhsili alıb.

1936-cı ildə Azərbaycan Müəllimlər İnstitutunu (qiyabi) bitirib.

Əmək fəaliyyəti

1931-ci ildən Nuxa şəhər və kənd məktəblərində ana dili və ədəbiyyat müəllimi, dərs hissə müdiri, məktəb direktoru vəzifələrində çalışıb.

1937 – 1941-ci illərdə “Nuxa fəhləsi” qəzetinin redaksiyasında əvvəl ədəbi işçisi, sonra şöbə müdiri və nəhayət, 1941-ci ildə redaktor əvəzi olub.

1945-ci ildən – 10 ildən artıq müddət ərzində, Azərbaycan Radio Komitəsinin Nuxa filialının redaktoru,

1948 – 1949-cu illərdə Sabir adına Nuxa Dövlət Dram Teatrının direktoru,

1958 – 1965-ci illərdə “İpəkçi” qəzetinin redaktoru,

1966 – 1968-ci illərdə “Elm və həyat” jurnalının redaksiyasında əvvəl ədəbi işçi, sonra isə şöbə müdiri vəzifəsində çalışıb.

1968-ci ildən Azərbaycan SSR “Bilik” cəmiyyətində işləyib; uzun müddət cəmiyyətin redaksiya-nəşriyyat şöbəsinin redaktoru, əmək fəaliyyətinin son illərində isə həmin cəmiyyətin Şəki şöbəsinin rəhbəri olub.

Digər

Böyük Vətən müharibəsində (1941–1945) iştirak etmiş, yaralanaraq ordudan tərxis olunmuşdur.

Ədəbi-publisistik fəaliyyəti

1924-cü ildən – 14 yaşından ədəbi, 1932-ci ildən “Nuxa fəhləsi” qəzetində publisistik fəaliyyətə başlayıb.

1936-cı ildən Azərbaycan SSR Yazıçılar İttifaqının,

1958-ci ildən SSRİ Jurnalistlər İttifaqının üzvü olub.

Təltif və mükafatları

• I dərəcəli “Vətən Müharibəsi” ordeni (1987).

Vəfatı

30 mart 1997-ci il tarixdə, 87 yaşında, vəfat edib.

Ədəbiyyat

1. Джаббаров Мамедия Сулейман-оглы : [arx. 19.07.2021] : [rus.] // Память народа. — Müraciət tarixi: 19.07.2021.
2. Məmmədov S. Cəmiyyət üçün (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1980. —3 sentyabr  c. — № 23 – 24 (1373). — Səh. 4.
3. Adışirinov K.F. XX əsrin əvvəllərində Şəki Teatrının ədəbi - mədəni mühitin inkişafına təsiri (azərb.) // Sumqayıt Dövlət Universiteti : “Elmi Xəbərlər” jurnalı. — Sumqayıt, 2018. — В. Sosial və humanitar elmlər bölməsi. —14  c. — № 3. — Səh. 21 – 24. — ISSN 1680-1245. Arxivləşdirilib; arxivləşdirmə tarixi: 26 aprel 2021.
4. Orsər R. Məmmədiyyə Cabbarov // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 225-228. — 500 nüsx. — ISBN 978-9952-8176-5-2.