Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasına məxsusdur.

Tahir Məmmədov

Şəki Ensiklopediyası səhifəsi
Jump to navigation Jump to search
Tahir Məmmədov
Məmmədov Tahir Məcid oğlu
Tahir Məmmədov
Tahir Məmmədov.
Doğum tarixi 29 aprel 1950 (1950-04-29) (72 yaş)
Doğum yeri Nuxa (indiki Şəki), Flag of the Azerbaijan Soviet Socialist Republic (1956–1991).svg Azərbaycan SSR, Flag of the Soviet Union.svg SSRİ
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Təhsili M.Əzizbəyov adına Azərbaycan Neft və Kimya İnstitutu, energetika fakültəsi (1967–1973)

Tahir Məmmədov — tanınmış həmkarlar təşkilatı işçisi; uzun müddət Şəki İpək kombinatında həmkarlar təşkilatı komitəsinin sədri vəzifəsində çalışmış, həmçinin, 1990-cı ildə Azərbaycan SSR xalq deputatlığına namizəd olmuşdur.

Haqqında məlumatlar[redaktə | HTML redaktə]

29 aprel 1950-ci il tarixdə Nuxada (indiki Şəki) anadan olub.

Təhsili[redaktə | HTML redaktə]

1967-ci ildə Nuxa şəhər 11 №-li orta məktəbini bitirib.

1967 – 1973-cü illərdə M.Əzizbəyov adına Azərbaycan Neft və Kimya İnstitutunun energetika fakültəsində təhsil alıb.

Hərbi xidmətdə[redaktə | HTML redaktə]

1973 – 1975-ci illərdə həqiqi hərbi xidmətdə olub; Beloqorsk şəhərində (Amur vilayəti, RSFSR) yerləşən motoatıcı polkun 2-ci batalyonunda rabitə rəisi (qərargah rəisinin müavini) vəzifəsində xidmət edib və baş leytenant hərbi rütbəsi ilə ehtiyata buraxılıb.

Əmək fəaliyyəti[redaktə | HTML redaktə]

Tələbəlik illərindən (1967–1973) çilingər kimi əmək fəaliyyətinə başlayıb.

1975-ci ildən, hərbi xidmətdən sonra V.İ.Lenin adına Şəki İstehsal İpək Birliyində işləyib; o cümlədən,

1975-ci ildən hərbi qeydiyyat və mülki müdafiə qərargahının rəisi, sonra həmin ilin noyabrında I şöbənin rəisi,

1984-cü ildən partiya təşkilatı katibinin müavini,

1986 – 2006-ci illərdə isə həmkarlar ittifaqı komitəsinin sədri vəzifəsində çalışıb.

İctimai aktivliyi[redaktə | HTML redaktə]

İki dəfə Şəki şəhər sovetinin deputatı seçilib.

1990-cı ildə 129 nömrəli Şəki ikinci şəhər seçki dairəsindən Azərbaycan SSR xalq deputatlığına namizəd göstərilsə də, həmin dairə üzrə nəticələr ləğv edildikdən sonra təkrar seçkidə iştirak etməyib.

1976 – 1985-ci illərdə Şəki ipək kombinatının “İpəkçi” futbol komandasına rəhbərlik edib. Həmin illərdə komanda hər il şəhər çempionu və dəfələrlə zona çempionu olub; o cümlədən, 1982-ci ildən respublika çempionatında çıxış edib.

Ədəbiyyat[redaktə | HTML redaktə]

  1. Respublika xalq deputatlığına namizəd, birlik həmkarlar ittifaqı komitəsinin sədri Tahir Məcid oğlu Məmmədovun seçkiqabağı platforması (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 22 sentyabr 1990. — № 25 – 26 (1959 – 1960). — Səh. 2.