Cahangir Rüstəmov

Cahangir Rüstəmov
Rüstəmov Cahangir Mahmud oğlu
Cahangir Rüstəmov.
Doğum tarixi	5 mart 1926(1926-03-05)
Doğum yeri	Nuxa, Şəki qəzası, Azərbaycan SSR, ZSFSR, SSRİ
Vəfat tarixi	13 fevral 2007 (80 yaşında)
Vətəndaşlığı	SSRİ→ Azərbaycan
Mükafatları

Cahangir Rüstəmov (1926 – 2007) — Azərbaycan Respublikasının xalq rəssamı və Azərbaycan Respublikası Prezidentinin fərdi təqaüdçüsü.

Haqqında məlumatlar

5 mart 1926-cı il tarixdə Nuxada anadan olub.

Təhsili

1939-cu ildə Bakıda yeddiillik məktəbi bitirib.

1939 – 1941-ci illərdə Ə.Əzimzadə adına Azərbaycan Dövlət Rəssamlıq Məktəbində təhsil alıb.

Yaradıcılığı

Yaradıcılığında əsas yeri əmək mövzusuna verib. Xüsusilə, kənd zəhmətkeşlərinin həyatını və məişətini böyük ustalıqla öz əsərlərində əks etdirə bilib. Milli koloriti, emosional ruhu ilə seçilən “Üzümlük”, “Çay becərənlər”, “Tarla zəhmətkeşləri”, “Balaca köməkçi”, “Kolxozçular”, “Dağlarda”, “Şahdağ” və digər tabloları ona şöhrət gətirib.

Əsərləri Rusiyada, Türkiyədə, Livanda, İran İslam Respublikasında, Bolqarıstanda, Macarıstanda, Suriyada, Rumıniyada və bir çox başqa xarici ölkələrdə nümayiş etdirilib və onlardan bəziləri bir sıra muzeylərin, qalereyaların fondlarına daxil edilib.

Təltif və mükafatları

• “Azərbaycan SSR əməkdar rəssamı” fəxri adı (1982);
• “Azərbaycan Respublikasının xalq rəssamı” fəxri adı (2004);
• Azərbaycan Respublikası Prezidentinin fərdi təqaüdü (2004).

Vəfatı

13 fevral 2007-ci il tarixdə – 80 yaşında, Bakıda vəfat edib.

Aləsi

Həyat yoldaşı: Mövlayeva Solmaz Ələkbər qızı (1928 – 2010) uzun illər Azərbaycan Dövlət Layihələndirmə İnstitutunda aparıcı memar vəzifəsində çalışıb.

Böyük oğlu: Rüstəmov Eldar, texniki elmlər üzrə fəlsəfə dokturudur. Azərbaycan Memarlıq və İnşaat Universitetinin tikinti konstruksiyaları kafedrasında dosent və FHN Təsisatdan kənar Dövlət Ekspertiza Baş İdarəsində baş mütəxəssis vəzifəsində çalışır.

Kiçik oğlu: Rüstəmov Elşad Azərbaycan Dövlət Pedaqoji Universitetinin təsviri incəsənət və onun tədrisi texnologiyası kafedrasının müəllimidir.

Xatirəsi

1 aprel – 8 aprel 2016-cı il tarixlərində Azərbaycan Milli İncəsənət Muzeyində 90 illiyinə həsr olunmuş fərdi yaradıcılıq sərgisi təşkil olunub.

Həmçinin, bax:

Aslan Rüstəmov

Ədəbiyyat

1. "Cahangir Rüstəmovun fərdi yaradıcılıq sərgisi keçirildi..." http://nationalartmuseum.az/ (azərb.). Milli İncəsənət Muzeyi. 12 Feb 2021 tarixində arxivləşdirilib.