Cahangir Rüstəmov

Cahangir Rüstəmov
	Rüstəmov Cahangir Mahmud oğlu
	Cahangir Rüstəmov
Doğum tarixi	5 mart 1926
Doğum yeri	Nuxa, Şəki qəzası, Azərbaycan SSR, ZSFSR, SSRİ
Vəfat tarixi	13 fevral 2007 (80 yaşında)
Mükafatları

Cahangir Rüstəmov (1926 – 2007) — Azərbaycan Respublikasının xalq rəssamı, Azərbaycan SSR əməkdar rəssamı.

Haqqında məlumatlar

5 mart 1926-cı ildə Nuxada anadan olub.

Təhsili

1939-cu ildə 7 illik məktəbi bitirib.

1939 – 1944-cü illərdə Ə.Əzimzadə adına Azərbaycan Dövlət Rəssamlıq məktəbində təhsil alıb.

Yaradıcılığı

Rəssamın yaradıcılığı rəngkarlığın bir çox janrını əhatə edərək, milli ruhu və poetikliyi ilə fərqlənir. C.Rüstəmovun yaratdığı tarixi mövzuda çoxfiqurlu lövhələr, həm bayram, zəhmət və istirahət mövzusunda kompozisiyalar, həm də məişət tabloları, epik mənzərələr, portretlər və ifadəli natürmortlar buna nümunədir. Milli koloriti, emosionallığı ilə seçilən “Üzümlük”, “Çay becərənlər”, “Tarla zəhmətkeşləri”, “Kolxozçular”, “Balaca köməkçi qız”, “Dağlarda”, “Şahdağ” və digər tabloları ona şöhrət gətirmişdir. Cahangir Rüstəmov 1945-ci ildə respublika rəssamlıq sərgisində “Axırıncı düşmən əsgəri” adlı əsəri ilə iştirak etmişdir. O, 1955-ci ildə SSRİ Rəssamlar İttifaqı üzvlüyünə qəbul olunmuşdur. Rəssamın 1953-cü ildə Bakıda hesabat sərgisi açılmışdı. Cahangir Rüstəmov 1955-ci ildə “Ən yaxşı uşaq mövzusuna görə” ÜİLKGİ-nin diplom və xüsusi nişanına layiq görülmüşdür. Rəssamın 1962-ci ildə Bakıda “Paris-Tunis”, 1973-cü ildə isə Astara rayonundakı Nizami kolxozunda hesabat sərgisi açılmışdır. Onun əsərləri, 1979-cu ildə Azərbaycan rəssamlarının xarici ölkələrdə açılmış sərgilərində iştirak etmişdir.^[1]^[2]

Azərbaycanın təsviri sənətinin inkişafındakı xidmətlərinə görə Cahangir Rüstəmov 1982-ci ildə Azərbaycan SSR əməkdar rəssamı, 2002-ci ildə^[3] isə Azərbaycan Respublikasının xalq rəssamı fəxri adlarına layiq görülmüşdür. Rəssamın 2002-ci ildə Bakıda V.Səmədova adına sərgi salonunda fərdi sərgisi açılmışdır. O, 2004-cü ildə Azərbaycan Respublikası Prezidentinin fərdi təqaüdçüsü olmuşdur.^[4]

Təltif və mükafatları

Vəfatı

13 fevral 2007-ci il tarixdə – 80 yaşında, Bakıda vəfat edib.

Xatirəsi

1 aprel – 8 aprel 2016-cı il tarixlərində Azərbaycan Milli İncəsənət Muzeyində 90 illiyinə həsr olunmuş fərdi yaradıcılıq sərgisi təşkil olunub.

İstinadlar

[1] Cahangir Rüstəmov

[2] Azərbaycanın Xalq rəssamı Cahangir Rüstəmovun 90 illiyinə həsr edilmiş fərdi yaradıcılıq sərgisi keçiriləcək

[3] Təsviri sənət xadimlərinə Azərbaycan Respublikası fəxri adlarının verilməsi haqqında Azərbaycan Respublikası Prezidentinin Fərmanı

[4] Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı

[1]

[2]

[3]

[4]