Çingiz Əfəndiyev

Çingiz Əfəndiyev
	Əfəndiyev Çingiz Yunus oğlu
	Çingiz Əfəndiyev, 1990-cı il.
Doğum tarixi	29 noyabr 1932
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	14 fevral 2013 (80 yaşında)
Vəfat yeri	Şəki, Azərbaycan
Həyat yoldaşı	Həqiqət
Təhsili	Moskva Toxuculuq Texnikumu

Çingiz Əfəndiyev (1932–2013) — ipəkçilik və toxuculuq sənayesi üzrə tanınmış mütəxəssis və rəhbər kadr; uzun müddət Şəki ipək kombinatında baş direktorunun müavini vəzifəsində işləmiş, dəfələrlə baş direktoru əvəz etmiş, bir müddət isə özü baş direktor olmuşdur. 1991–1992-ci illərdə isə Şəki şəhər İcra hakimiyyətinin başçısı vəzifəsində çalışıb.

Haqqında məlumatlar

29 noyabr 1932-ci il tarixdə Nuxada (indiki Şəki) anadan olub.

Təhsili

Nuxa şəhər M.Qorki adına 10 №-li orta məktəbində və Moskva Toxuculuq Texnikumunda təhsil alıb.

Əmək fəaliyyəti

1956-cı ildə V.İ.Lenin adına Nuxa ipək kombinatının baramaaçan istehsalatında əmək fəaliyyətinə başlayıb. Daha sonra həmin istehsalatda laborant, usta köməkçisi, növbə ustası vəzifəsində çalışıb. Daha sonralar kombinatın texniki-nəzarət şöbəsinin rəisi, boyaq-bəzək istehsalatının rəisi, satış şöbəsinin rəisi vəzifələrində çalışıb.

1973-cü ildə V.İ.Lenin adına Nuxa ipək kombinatının direktor müavini,

1990-cı ildə isə direktor vəzifəsinə təyin olunub.

1991 – 1992-ci illərdə Şəki şəhər İcra hakimiyyətinin başçısı vəzifəsində işləyib.

1992-ci ildən sonra müxtəlif vaxtlarda Şəki “İpək” şirkətində baş direktor, təchizat işləri üzrə baş direktorun müavini, “Şəki-İpək” ASC İdarə Heyəti sədrinin məsləhətçisi vəzifəsində çalışıb.

Vəfatı

14 fevral 2013-cü il tarixdə – 80 yaşında, Şəkidə vəfat edib.

İctimai aktivliyi

1990-cı ildə 130 nömrəli Şəki ikinci şəhər seçki dairəsindən Azərbaycan SSR xalq deputatlığına namizədliyi irəli sürülmüş və bu dairə üzrə ikinci səsvermədə Azərbaycan SSR xalq deputatı seçilmişdir.

Ailəsi

Həyat yoldaşı Həqiqət Əfəndiyeva, tibb bacısı.

Yunus və Zakir adlı iki oğlu, Hilalə adlı bir qızı var.

Həmçinin, bax:

Şəkidən Azərbaycan SSR xalq deputatlığına namizədlərin siyahısı (1990)

Ədəbiyyat

Şəki ikinci şəhər 130 nömrəli seçki dairəsindən xalq deputatlığına namizəd (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 30 avqust 1990. — № 23 – 24 (1626). — Səh. 2.