İsmayıl Əliyev
| İsmayıl Əliyev | |
|---|---|
| Əliyev İsmayıl Abbasəli oğlu | |
 | |
| İsmayıl Əliyev, 2013-cü il | |
| Şəxsi məlumatlar | |
| Doğum tarixi | 20 sentyabr 1947 |
| Doğum yeri |
Nuxa, Nuxa rayonu, .svg){kind=small} Azərbaycan SSR,  SSRİ |
| Vətəndaşlığı |
SSRİ→ Azərbaycan |
| Təhsili |
Nuxa Musiqi Texnikumu (1962 – 1966) Üzeyir Hacıbəyov adına Azərbaycan Dövlət Konservatoriyası (1967 – 1972) |
İsmayıl Əliyev (Əliyev İsmayıl Abbasəli oğlu; d. 20 sentyabr 1947-ci il Nuxa, Nuxa rayonu, Azərbaycan SSR, SSRİ ) – musiqiçi-pedaqoq, tarzən-bəstəkar, Azərbaycan Bəstəkarlar İttifaqının üzvü və Azərbaycan Bəstəkarlar İttifaqının Şəki üzrə nümayəndəsi (2013). 1972 – 2017-ci illərdə Şəki Musiqi Texnikumunda əvvəl xalq çalğı alətləri şöbəsinin müdiri, sonra isə müəllim və Xalq çalğı alətləri orkestrinin rəhbəri olub. 1967 – 1972-ci illərdə Azərbaycan Teleradio Verilişləri Komitəsi nəzdində fəaliyyət göstərən Xalq çalğı alətləri orkestrində və Hacı Məmmədovun rəhbərlik etdiyi Xalq çalğı alətləri ansamblında saz musiqi alətində ifa etmişdir.
Haqqında məlumatlar
20 sentyabr 1947-ci il tarixdə Nuxada anadan olub.
Təhsili
1957-ci ildə Nuxa şəhərindəki yeddiillik musiqi məktəbinin tar sinfini bitirib.
1962 – 1966-cı illərdə Nuxa Musiqi Texnikumunda,
1967 – 1972-ci illərdə Üzeyir Hacıbəyov adına Azərbaycan Dövlət Konservatoriyasında təhsil alıb.
İş yerləri
1962 – 1966 ci illərdə 19 №-li uşaq bağçasında musiqi müəllimi,
1966 – 1967-ci illərdə Nuxa Musiqi Məktəbində müəllim,
1967 – 1972-ci illərdə (Üzeyir Hacıbəyov adına Azərbaycan Dövlət Konservatoriyasında təhsil alarkən) Azərbaycan Teleradio Verilişləri Komitəsi nəzdində fəaliyyət göstərən Xalq çalğı alətləri orkestrində və Hacı Məmmədovun rəhbərlik etdiyi Xalq çalğı alətləri ansamblında saz ifaçısı,
1972 – 2017-cı illərdə Şəki Musiqi Texnikumunda əvvəl xalq çalğı alətləri şöbəsinin müdiri, sonra isə müəllim və Xalq çalğı alətləri orkestrinin rəhbəri olub.
2017-ci ildən təqaüddədir.
Yaradıcılığı
Azərbaycan şairlərinin sözlərinə 100-dən çox mahnı bəstələyib.
2013-cü ildən Azərbaycan Bəstəkarlar İttifaqının üzvüdür və Azərbaycan Bəstəkarlar İttifaqının Şəki üzrə nümayəndəsidir.
Ailəsi
4 övladı və 7 nəvəsi var.
Ədəbiyyat
- Əliyev İsmayıl Abbasəli oğlu // Məlumat kitabçası (2013 – 2019) / Azərbaycan Bəstəkarlar İttifaqı. — Azərbaycan Respublikası Mədəniyyət Nazirliyi. — Bakı, 2019. — 200 nüsx. — ISBN 978-9952-440-31-6.