Əbdürəhman Abdullayev

Əbdürəhman Abdullayev
	Abdullayev Əbdürəhman Məmməd oğlu
	Əbdürəhman Abdullayev, 1976-cı il.
Doğum tarixi	17 noyabr 1914
Doğum yeri	Nuxa, Nuxa qəzası, Yelizavetpol quberniyası, Rusiya İmperiyası
Vəfat tarixi	9 iyul 1997 (82 yaşında)
Vəfat yeri	Şəki, Azərbaycan
Vətəndaşlıq	SSRİ→ Azərbaycan
Elm sahəsi	filologiya
Elmi dərəcəsi	filologiya elmləri namizədi
Təhsili	Nuxa Pedaqoji Məktəbi (1930 - 1933) V.İ.Lenin adına Azərbaycan Pedaqoji İnstitutu (1937 – 1941)
Uşaqları	Arif Abdullazadə, Sədaqət Qasımlı
Mükafatları	;

Əbdürəhman Abdullayev (1914–1997) — filologiya elmləri namizədi, Azərbaycan SSR əməkdar mədəniyyət işçisi; bir sıra məsul partiya və dövlət vəzifələrində işləmiş, 1970-cı ildən isə Azərbaycan SSR EA Nizami adına Ədəbiyyat Muzeyinin məktəblər şöbəsinin müdiri olmuşdur. Rəşid bəy Əfəndiyevin həyatı və yaradıcılığı haqqında “Görkəmli maarifçi və demokrat yazıçı” (Azərnəşr Elm nəşriyyatı, 1960), “Rəşid bəy Əfəndiyevin dram əsərləri” (Azərnəşr, 1961) və “Maarif pərvanəsi” (Azərbaycan Maarif nəşriyyatı, 1982) kitabları çap olunub, digər mövzularda 40-dan artıq elmi məqalənin müəllifidir. “XVIII-XIX əsr Şəki şairləri” kitabı isə ölümündən sonra – 2020-ci ildə nəşrə təqdim edilib.

Haqqında məlumatlar

1914-cü ildə Nuxada anadan olub.

Təhsili

1933-cü ildə Nuxa Pedaqoji Məktəbini bitirib.

1937 – 1941-ci illərdə V.İ.Lenin adına Azərbaycan Pedaqoji İnstitutunda qiyabi təhsil alıb.

İş yerləri

1933 – 1937-ci illərdə Nuxa rayonunun Bideyiz kənd məktəbində müəllim,

1937 – 1941-ci illərdə Nuxa 11 №-li orta məktəbdə dərs hissə müdiri, 12 saylı məktəbdə direktor,

1941 – 1944-cü illərdə Nuxa rayon Maarif Şöbəsinin müfəttişi və Pedaqoji kabinənin müdiri,

1944 – 1945-ci illərdə Nuxa şəhər Maarif Şöbəsinin müdiri, Azərbaycan SSR Maarif Nazirliyi ibtidai orta məktəblər idarəsinin baş müfəttişi,

1945 – 1947-ci illərdə Nuxada Ümumittifaq əhəmiyyətli Məktəbyaşlı Oğlanlar Evinin direktoru,

1947 – 1950-ci illərdə Azərbaycan KP Şəki şəhər Komitəsinin təbliğat və təşviqat şöbəsinin müdiri,

1950 – 1957-ci illərdə Azərbaycan siyasi və elmi bilikləri yayan “Bilik” cəmiyyətin Nuxa rayonlararası şöbəsinin məsul katibi,

1957 – 1961-ci illərdə Azərbaycan KP Şəki şəhər Komitəsinin katibi,

1961 – 1963-cü illərdə Azərbaycan Elmlər Akademiyasında kadrlar şöbəsinin rəisi və işlər idarəsinin müdiri,

1970-cı ildən Azərbaycan SSR EA Nizami adına Ədəbiyyat Muzeyində məktəblər şöbəsinin müdiri vəzifəsində işləyib.

İctimai fəaliyyəti

1938-ci ildən etibarən bir neçə dəfə Azərbaycan KP Nuxa şəhər Komitəsi plenumuna üzv və Nuxa şəhər Xalq Deputatları Sovetinə deputat seçilib.

Vəfatı

1997-cı ildə Şəki şəhərində dünyasını dəyişib.

Adının əbədiləşdirilməsi

1999-cü ildə Şəki şəhərindəki 21 saylı tam orta məktəbə Əbdürəhman Abdullayevin adı verilib.

Mükafatları

“Qırmızı Əmək Bayrağı” ordeni;
“Qafqazın müdafiəsi” medalı;
1941 – 1945-ci illərdə əməkdə fərqlənməyə görə” medalı;
“1941 – 1945-ci illər Böyük Vətən müharıbəsində qələbənin 20 illiyi” medalı (1965);
“1941 – 45-ci illər Böyük Vətən müharıbəsində qələbənin 40 illiyi” medalı (1985);
“Əmək veteranı” medalı;
“Azərbaycan SSR qabaqcıl maarif xadimi” döş nişanı (1974);
“Azərbaycan SSR Əməkdar Mədəniyyət İşçisi” fəxri adı (1990).

İstifadə edilmiş əsas mənbələr

Məmmədov Ə., Xalıqov F. Abdullayev Əbdürəhman // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 19 – 20. — 1.000 nüsx.

Şablon:Yaxşı məqalə