Əhməd Rəşidov

Əhməd Rəşidov
Rəşidov Əhməd İsmayıl oğlu
Əhməd Rəşidov, 1970-ci il
Doğum tarixi	23 sentyabr 1918(1918-09-23)
Doğum yeri	Nuxa, Nuxa qəzası, Gəncə quberniyası, Azərbaycan Cümhuriyyəti
Vəfat tarixi	13 noyabr 1981 (63 yaşında)
Vəfat yeri	Bakı, Azərbaycan SSR, SSRİ
Vətəndaşlıq	SSRİ
Təhsili	V.İ.Lenin adına Azərbaycan Pedaqoji İnstitutu; Sov.İKP MK yanında Ali Partiya Məktəbini(ru) (Moskva)
Mükafatları

Əhməd Rəşidov (Rəşidov Əhməd İsmayıl oğlu; d. 23 sentyabr 1918-ci ildə, Nuxa, Nuxa qəzası, Gəncə quberniyası, Azərbaycan Cümhuriyyəti, – ö. 13 noyabr 1982-cı ildə, Bakı, Azərbaycan SSR, SSRİ) – jurnalist, 1948-ci ildə nəşrə başlamış “Mingəçevir inşaatçısı” qəzetinin ilk redaktoru olmuş, 1959 – 1981-cı illərdə isə “Bakı” axşam qəzetinin redaksiyasında redaktor müavini vəzifəsində çalışmışdır.

Haqqında məlumatlar

1918-ci ildə Nuxada anadan olub.

Təhsili

Bakıda V.İ.Lenin adına Azərbaycan Pedaqoji İnstitutunda, Moskvada Sov.İKP MK yanında Ali Partiya Məktəbində^(ru) təhsil alıb.

İş yerləri

1939 – 1960-cı illərdə əvvəl 10 №-li Nuxa şəhər, sonra isə Kiçik Dəhnə kənd məktəblərində müəllim, Nuxa İpəkçilik Texnikumunda əvvəl müəllim, daha sonra direktor, Nuxa Rayon Təhsil Şöbəsinin direktor, Azərbaycan KP Nuxa Şəhər Komitəsində təlimatçı, “Nuxa fəhləsi” qəzetinin məsul katib, Azərbaycan SSR Radioverilişləri Komitəsində redaktor, “Mingəçevir inşaatçısı” qəzetinin redaktoru, Azərbaycan KP MK-nın “Təbliğatçı” jurnalı redaksiyasında əvvəl şöbə müdiri, sonra isə məsul katib, Azərbaycan SSR Teleqraf Agentliyinin tərcümə şöbəsinin müdiri və s. vəzifələrdə çalışıb.

1959 – 1981-cı illərdə “Bakı” axşam qəzetinin redaksiyasında redaktor müavini olub.

Təltifləri

• “1941 – 1945-ci illər Böyük Vətən müharibəsində rəşadətli əməyə görə” medalı, 20 iyul, 1956-cı il;
• Azərbaycan SSR Ali Sovetinin fəxri fərmanı, 10 yanvar 1968-ci il;
• “1941 – 1945-ci illər Böyük Vətən müharibəsində qələbənin 30 illiyi” yubiley medalı, 8 may 1975-ci il;
• Bakı şəhər Xalq deputatları Sovetinin fəxri fərmanı, 3 oktyabr, 1978-ci il.

Ədəbiyyat

• Rəşidov İ., Rəşidov R., Sadiq F. Jurnalist ömrü (azərb.) // Mingəçevir işıqları : qəzet. — Mingəçevir, 2003. — В. 27 sentyabr. — № 31 (5961). — Səh. 5.