Ənvər Qarayev

Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur.
Şəki Ensiklopediyası səhifəsi
Ənvər Qarayev
Qarayev Ənvər Vahid oğlu
Ənvər Qarayev.
Doğum tarixi 18 fevral 1947(1947-02-18)
Doğum yeri Nuxa (indiki Şəki), Azərbaycan SSR, SSRİ
Vəfat tarixi 29 yanvar 2011 (63 yaşında)
Vəfat yeri Bakı, Azərbaycan
Dəfn yeri Bakı, Azərbaycan
Vətəndaşlığı SSRİ Azərbaycan
Fəaliyyəti rəssam
Təhsili

 • Əzim Əzimzadə adına Rəssamlıq Məktəbini (–1967)

 • Mirzağa Əliyev adına Azərbaycan Dövlət İncəsənət İnstitutu, rəssamlıq fakültəsi (1967–1973)
Mükafatları "Azərbaycan Respublikasının əməkdar rəssamı" fəxri adı — 2002

Ənvər Qarayev (1947–2011) — tanınmış rəssam və dekorativ-tətbiqi sənət ustası, Azərbaycan Respublikasının əməkdar rəssamı, Azərbaycan Rəssamlar İttifaqının Rəyasət heyətinin üzvü, sədrin müşaviri və dekorativ-tətbiqi sənət bölməsinin sədri.

Haqqında məlumatlar[Vizual redaktə | HTML redaktə]

18 fevral 1947-ci il tarixdə Nuxada (indiki Şəki), ziyalı ailəsində anadan olub.

Təhsili[Vizual redaktə | HTML redaktə]

1962-ci ildə Bakı şəhər 25 №-li orta məktəbinin (Oktyabr rayonu, indiki Yasamal rayonu) 8-ci sinfini,

1967-ci ildə isə Əzim Əzimzadə adına Rəssamlıq Məktəbini bitirib.

1967 – 1973-cü illərdə Mirzağa Əliyev adına Azərbaycan Dövlət İncəsənət İnstitutunun rəssamlıq fakültəsində təhsil alıb.

Hərbi xidmət[Vizual redaktə | HTML redaktə]

1973-cü ildə institutu bitirdikdən sonra hərbi xidmətdə olub.

Əmək fəaliyyəti[Vizual redaktə | HTML redaktə]

1975 – 1977-ci illərdə Uşaqların təsviri yaradıcılığı üzrə metodik mərkəzin direktor müavini,

1977 – 1981-ci illərdə Azərbaycan SSR Nazirlər Soveti yanında Dövlət Radio və Televiziya Verilişləri Komitəsində quruluşçu rəssam vəzifəsində çalışıb.

Yaradıcılığı[Vizual redaktə | HTML redaktə]

Rəssamlığın müxtəlif sahələri ilə və eləcə də dekorativ-tətbiqi sənətin müxtəlif növləri (keramika, qrafika, monumental keramik panno, bədii metal, ağac üzərində oyma, qobelen, batika və s) ilə məşğul olub.

Dünyanın bir çox ölkələrində – Almaniyada, Polşada, Avstriyada, Macarıstanda, Rusiyada, Türkiyədə, Misirdə, təşkil olunmuş rəssamlıq sərgilərində iştirak edib. Moskvadakı Şərq Muzeyində “Çovqan”, Berlin Dekorativ İncəsənət Muzeyində “Cıdır”, Antalya Rəssamlıq Qalereyasında “Türkün sözü” əsərləri saxlanılır.

Digər[Vizual redaktə | HTML redaktə]

1976-cı ildən SSRİ Rəssamlar İttifaqının üzvü olub.

Həyatının son illərində Azərbaycan Rəssamlar İttifaqının Rəyasət heyətinin üzvü, sədrin müşaviri və dekorativ-tətbiqi sənət bölməsinin sədri idi.

Azərbaycan Milli Elmlər Akademiyasının müxbir üzvü, Azərbaycan Milli Elmlər Akademiyası Nizami adı­na Ədə­biyyat Dil İnstitutunun direktoru Yaşar Qarayevin (1936–2002) kiçik qardaşıdır.

Təltif və mükafatları[Vizual redaktə | HTML redaktə]

Vəfatı[Vizual redaktə | HTML redaktə]

29 yanvar 2011-ci il tarixdə – 63 yaşında, Bakıda vəfat edib. Bakıda Köhnə qəbiristanlıqda dəfn olunub[2].

İstinadlar[Vizual redaktə | HTML redaktə]

  1. "Təsviri sənət xadimlərinə Azərbaycan Respublikası fəxri adlarının verilməsi haqqında Azərbaycan Respublikası Prezidentinin Sərəncamı" (azərb.). e-qanun.az. 30 may 2002. 19 fevral 2020 tarixində arxivləşdirilib. İstifadə tarixi: 19 fevral 2020.
  2. "Azərbaycan Rəssamlar İttifaqının dekorativ-tətbiqi sənət bölməsinin sədri, əməkdar rəssam Ənvər Qarayev vəfat edib". apa.az (azərb.). 2 fevral 2011. 19 fevral 2020 tarixində arxivləşdirilib. İstifadə tarixi: 19 fevral 2020.

Ədəbiyyat[Vizual redaktə | HTML redaktə]

  1. Məmmədov Ə., Xalıqov F. Qarayev Ənvər // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 226-227. — 600 nüsx. — ISBN 5-8066-1708-4.
  2. "Hər əsərində dekorativliyə meyl edən rəssam". yeniavaz.com. 19 fevral 2020 tarixində arxivləşdirilib. İstifadə tarixi: 19 fevral 2020.