Ənvər Zülfüqarov

Ənvər Zülfüqarov
	Zülfüqarov (Zülfüqarzadə) Ənvər Məmməd oğlu; (rus.: Зульфугаров Энвер Мамедович (Мамед оглы))
Doğum tarixi	4 iyun 1910
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	1995
Uşaqları	Kamal Ənvər oğlu Zülfüqarzadə və Eldar Ənvər oğlu Zülfüqarzadə
Atası	Məmməd Zülfüqarmehdi oğlu Zülfüqarov
Anası	Qonçə Əmircanova
Hərbi fəaliyyəti
Rütbə	general-mayor

Ənvər Zülfüqarov (1910–1995) — Sovet gömrük general mayoru, sovet dövründə uzun illər illər Bakı Gömrik Xidmətində işləmişdir.

Haqqında məlumatlar

4 iyun 1910-cu il tarixdə Nuxada (indiki Şəki) anadan olub.

1920-ci illərdə atası Məmməd Zülfüqarov Fövqəladə Komitə üzvləri tərəfindən güllələnmiş, bundan sonra anası Qönçə xanım onu bacısı və qardaşı ilə birlikdə Bakıya aparçışdır.

Təhsili

1930-cu ildə Leninqrad Aviasia İnstitutunu bitirib.

Əmək fəaliyyəti

1943-cü ildə Sovet Ordusunun kapitanı rütbəsini daşıyırdı və Tehranda (İran) Sovet-Amerikan əlaqə missiyasının üzvü idi. Elə həmin ildə Azərbaycan SSR Kartoçka Bürosunun əvvəl rəis müavini, sonra isə rəisi olub.

1940-cı illərin sonu – 1950-ci illərin əvvəllərində SSRİ-nin İsveçrə və Avstriyadakı ticarət nümayəndəliklərində, o cümlədən, 1953-cü ildə Vyananın (Avstriya) sovet işğal zonasında 2-ci kimyəvi konsernin baş direktoru vəzifəsində çalışıb.

1954 – 1987-ci illərdə Bakı Gömrük xidmətində işləyib; o cümlədən, general-mayor rütbəsi daşıyırdı və 1980-cı ildən III dərəcəli gömrük xidməti müşaviri idi.

Təltif və mükafatları

SSRİ-nin 6 orden və medalı ilə təltif olunmuşdur.

Ailəsi

Atası: Məmməd Zülfüqarmehdi oğlu Zülfüqarov.

Anası: Qonçə Əmircanova (bax: Əmircanovlar).

Əmisi: Hacı Zülqədər Zülfüqarov – Məmməd Zülfüqarovun böyük qardaşı, tacir olub^[1].

Qardaşları:

Əhməd Məmməd oğlu Zülfüqarov, peşəkar iqtisadçı, Böyük Vətən müharibəsi iştirak etmiş, sonra Azərbaycan SSR Dövlət Qiymət və Qiymətləndirmə Komitəsinin sədri vəzifəsində çalışmışdır;

Əli Məmməd oğlu Zülfüqarov, peşəkar memar, Böyük Vətən müharibəsində həlak olub.

Bacısı: Tofa Məmməd qızı Əliyeva (Zülfüqarova)

Ənvər Zülfüqarzadənin evladları: Kamal Ənvər oğlu Zülfüqarzadə (Azərbaycan SSR əməkdar iqtisadçısı, 11.08.1934 – 25.01.2018) və Eldar Ənvər oğlu Zülfüqarzadə

İstinadlar

↑ Məmməd Zülfüqarovun 1897-ci ildə Şəkidə tikdirdiyi fərdi evdə 1930-cu ildən qarışıq tipli uşaq evi fəaliyyət göstərib. (# Ильхам Алиев принял участие в открытии нового здания, построенного Фондом Гейдара Алиева в городе Шеки для детского дома смешанного типа (rus.). https://ru.president.az/. Официальный сайт Президента Азербайджанской Республики. Arxivləşdirilib (10 iyul 2021).)

[1] Məmməd Zülfüqarovun 1897-ci ildə Şəkidə tikdirdiyi fərdi evdə 1930-cu ildən qarışıq tipli uşaq evi fəaliyyət göstərib. (# Ильхам Алиев принял участие в открытии нового здания, построенного Фондом Гейдара Алиева в городе Шеки для детского дома смешанного типа (rus.). https://ru.president.az/. Официальный сайт Президента Азербайджанской Республики. Arxivləşdirilib (10 iyul 2021).)

[1]