Əsabəli İbrahimov

Əsabəli İbrahimov
İbrahimov Əsabəli İbrahim oğlu
Əsabəli İbrahimov.

Əsabəli İbrahimov (1916–2004) — sovet dövründə Şəkidə tikinti sahəsi üzrə tanınmış mütəxəssis və rəhbər kadr olmuş şəxs. 1961-ci ildə cəmi bir-iki ay Nuxa şəhər Soveti icraiyyə komitəsinin sədri vəzifəsində də çalışmışdır. 2004 — 2010-cu illərdə Şəkinin icra başçısı olmuş Nazim İbrahimovun atasıdır.

Haqqında məlumatlar

15 may 1916-cı il tarixdə Nuxada (indiki Şəki) anadan olub.

Təhsili

1937-ci ildə Bakı yol və körpü tikintisi texnikumunu bitirib.

Hərbi xidmətdə

1939-cu ildə hərbi xidmətə gedib. Böyük Vətən müharibəsi iştirakçısıdır. 1945-ci ildə starşina hərbi rütbəsinə malik olub və 2-сi Xüsusi Təyinatlı Aviasiya Diviziyasında (rus.: 2-й Авиационной дивизии особого назначения) adyutant olaraq xidmət edib (sovet rəhbərlərinin, o cümlədən, Stalinin rəsmi səfərlərə aparılıb-gətirilməsi işi bu diviziyanın təyyarələri vasitəsi ilə həyata keçirilirdi).

Əmək fəaliyyəti

1959-cu ildə Nuxadakı 11 nömrəli yol istismar idarəsinin rəisi idi.

1961-ci ilin mart ayında Nuxa şəhər Soveti icraiyyə komitəsinin sədri seçilib və cəmi bir-iki ay bu vəzifədə çalışıb. Daha sonra yenidən tikinti idarəsinə müdir təyin olunub.

İctimai-siyasi fəaliyyəti

Dördüncü çağırış (1953), Beşinci çağırış (1955), Altıncı çağırış (1957), Yeddinci çağırış (1959) Nuxa şəhər sovetinin deputatı seçilib. 1961-ci ildə isə həm Səkkizinci çağırış Nuxa rayon Sovetinin, həm də Nuxa şəhər Sovetinin deputatı seçilib.

Təltif və mükafatları

16 orden və medal; o cümlədən,

• “Döyüş xidmətlərinə görə” medalı (24.02.1945);
• “1941-1945-ci illər Böyük Vətən müharibəsində Almaniya üzərində qələbəyə görə” medalı (18.08.1945);
• “Leninin yubiley” medalı (1970);
• II dərəcəli “Vətən Müharibəsi” ordeni (06.11.1985).

Şəkillər

• 
  Əsabəli İbrahimov uniformada.
• 
  Əsabəli İbrahimov uniformada.
• 
  Cövdət Hacıyev, Əsabəli İbrahimov və Qara Qarayev.
• 
  Əsabəli İbrahimov həyatının son illərində.

Vəfatı

31 mart 2004-cu il tarixdə – 87 yaşında, Bakıda vəfat edib. Bakıda da dəfn olunub.

Ədəbiyyat

1. Ибрагимов Асабалий Ибрагимович : [rus.] // Память народа. — Müraciət tarixi: 26.04.2023.
2. Ибрагимов Асабалий Ибрагимович : [rus.] // Память народа. — Müraciət tarixi: 26.04.2023.
3. Ибрагимов Асабалий Ибрагимович : [rus.] // Память народа. — Müraciət tarixi: 26.04.2023.

Həmçinin, bax:

• Şəki (Nuxa) rayon və şəhər Sovetlərinin sədr, sədr müavini və katiblərinin siyahısı
• Dördüncü çağırış Nuxa rayon və şəhər sovetlərinin deputatlarının siyahısı (1953)
• Beşinci çağırış Nuxa rayon və şəhər sovetlərinin deputatlarının siyahısı (1955)
• Altıncı çağırış Nuxa rayon və şəhər sovetlərinin deputatlarının siyahısı (1957)
• Yeddinci çağırış Nuxa rayon və şəhər sovetlərinin deputatlarının siyahısı (1959)
• Səkkizinci çağırış Nuxa rayon və şəhər sovetlərinin deputatlarının siyahısı (1961)