Əsabəli Quliyev

Əsabəli Quliyev
Quliyev Əsabəli Musa oğlu
Əsabəli Quliyev
Əsabəli Quliyev, 2021-ci il.
Doğum tarixi	16 yanvar 1939 (1939-01-16)
Doğum yeri	Oxud, Nuxa rayonu, Azərbaycan SSR, SSRİ
Elm sahəsi	pedaqogika
Elmi dərəcəsi	pedaqoji elmlər namizədi
Təhsili	Çingiz İldırım adına Politexnik İnstitutu, mexanika fakültəsi (1962 – 1966)
Elmi rəhbəri	akademik S.Y.Batişev
Mükafatları

Əsabəli Quliyev – pedaqoq-alim, pedaqoji elmlər namizədi, Azərbaycan SSR əməkdar texniki peşə təhsili işçisi. Uzun müddət Azərbaycan SSR/Azərbaycan Respublikası Peşə Təhsili Komitəsi Elmi-Tədqiqat və Metodiki İdarəsinin rəisi vəzifəsində çalışmışdır.

Haqqında məlumatlar

16 yanvar 1939-cu il tarixdə Nuxa rayonunun Oxud kəndində anadan olub.

Təhsili

1947 – 1957-ci illərdə Oxud kənd orta məktəbində,

1962 – 1966-cı illərdə isə Çingiz İldırım adına Politexnik İnstitutunun mexanika fakültəsində təhsil alıb.

Əmək fəaliyyəti

1957 – 1958-ci illərdə Nəriman Nərimanov adına kolxozda işləyib.

1966 – 1967-ci illərdə Bakı 11 №-li peşə məktəbində istehsalat ustası,

1967 – 1971-ci illərdə isə ixtisas-fənn müəllimi vəzifəsində çalışıb.

1971 – 2001-ci illərdə Azərbaycan SSR/Azərbaycan Respublikası Peşə Təhsili Komitəsi Elmi-Tədqiqat və Metodiki İdarəsinin rəisi olub.

2001-ci ildən Azərbaycan müəllimlər İnstitutunun təhsilin idarəedilməsi kafedrasında müəllim işləyir.

İkinci iş yerləri

1977 – 1979-cu illərdə Kuba Respublikasının Təhsil Nazirliyində məsləhətçi işləyib.

Elmi fəaliyyəti

1988-ci ildə SSRİ Pedaqoji Elmlər Akademiyasının şöbə müdiri akademik Sergey Yakreviç Batişevin rəhbərliyi ilə “Kubada texniki peşə təhsilinin inkişafı” mövzusunda namizədlik dissertasiyasını müdafiə edib.

40-dan artıq elmi-pedaqoji məqalənin və bir neçə monoqrafiyanın müəllifidir.

Digər

1958 – 1961-ci illərdə hərbi xidmətdə olub.

1997 – 1998-ci illərdə YUNESKO-nun peşə təhsili üzrə eksperti olub.

2003-cü ildən Almaniya Texniki Əməkdaşlıq Cəmiyyətinin “Peşə təhsili müəssisələrinin istehsalat təlim ustaları və ixtisas-fənn müəllimlərinin ixtisaslarının artırılması” layihəsinin assistenti olub.

Təltifləri

• “Azərbaycan SSR əməkdar texniki peşə təhsili işçisi” fəxri adı (4 fevral 1991-ci il).

Ədəbiyyat

• Məmmədov Ə., Xalıqov F. Quliyev Əsabəli // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 243 – 244. — 600 nüsx. — ISBN 5-8066-1708-4.