Əsgər Xəlilov

Əsgər Xəlilov
Xəlilov Əsgər Sabir oğlu
Əsgər Xəlilov
Doğum tarixi	4 may 1955 (1955-05-04)
Doğum yeri	Nuxa, Azərbaycan SSR, SSRİ
Vətəndaşlıq	SSRİ→ Azərbaycan
Təhsili	Moskva Ali Sərhədçilər Məktəbi (1972 – 1976) SSRİ Dövlət Təhlükəsizliyi Komitəsinin Ali Məktəbi (1978 – 1980)
Hərbi fəaliyyəti
Rütbə	General-leytenant
Vəzifəsi	Azərbaycan Respublikası Dövlət Sərhəd Xidməti rəisinin müavini, Sərhəd Qoşunları komandanı (2017 – 2020 )
İstefada	27 fevral 2020
Təltifləri	Şablon:"Vətənə xidmətə görə" ordeni Şablon:"Vətənə xidmətə görə" ordeni Şablon:"Rəşadət" ordeni

Əsgər Xəlilov (Xəlilov Əsgər Sabir oğlu; d. 4 may 1955, Nuxa (indiki Şəki), Azərbaycan SSR, SSRI) – Azərbaycan Silahlı Qüvvələrinin general-leytenantı; 1992-ci ildən Azərbaycan Respublikası Sərhəd Qoşunlarında/Sərhəd mühafizə orqanlarında xidmət etmiş, 2017 – 2020-ci illərdə Azərbaycan Respublikası Dövlət Sərhəd Xidməti rəisinin müavini olmuşdur.

Haqqında məlumatlar

1955-ci ildə Nuxa (indiki Şəki) şəhərində anadan olub.

Təhsili

1972-ci ildə Şəki şəhər 8 saylı orta məktəbini bitirib.

1972 – 1976-cı illərdə Moskva Ali Sərhədçilər Məktəbində,

1978 – 1980-ci illərdə isə SSRİ Dövlət Təhlükəsizliyi Komitəsinin Ali Məktəbində (Moskva) təhsil alıb.

Xidməti fəaliyyəti

1976-cı ildə SSRİ sərhəd zastavasında xidmətə başlayıb, sonra isə Sərhəd Qoşunları kəşfiyyat orqanlarında xidmətini davam etdirib.

1986-cı ildə Bakı Əlahiddə Buraxılış Məntəqəsi rəisinin müavini vəzifəsinə təyin olunub.

1988 – 1992-ci illərdə Bakı Əlahiddə Buraxılış Məntəqəsinin rəisi vəzifəsində çalışıb.

1992 – 2009-cu illərdə Azərbaycan Respublikası Sərhəd Qoşunlarında/Sərhəd mühafizə orqanlarında müxtəlif vəzifələr tutub.

2009-cu ildə Azərbaycan Respublikasının Sərhəd Qoşunlarının Baş Qərargah rəisinin birinci müavini vəzifəsinə təyin olunub.

2017 – 2020-ci illərdə Azərbaycan Respublikası Dövlət Sərhəd Xidmət rəisinin müavini olub.

27 fevral 2020-ci il hərbi geyim formasını daşımaq hüququ verilməklə, Silahlı Qüvvələrdə həqiqi hərbi xidmətdən istefaya buraxılıb.

Hərbi rütbəsi

• General-mayor (2009);
• General-leytenant (2018).

Təltifləri

1. “Hərbi xidmətlərə” görə medalı (2002);
2. “Vətən uğrunda” medalı;
3. “Azərbaycan Bayrağı” ordeni;
4. II və III dərəcəli “Vətənə xidmətə görə” ordenləri;
5. III dərəcəli “Hərbi xidmətlərdə fərqləndiyinə görə” medalı;
6. III dərəcəli “Rəşadət" ordeni (2020);

...ümumilikdə Azərbaycan Respublikası və MDB ölkələrinin 36 orden və medalı.

İstifadə edilmiş mənbələr

• Azərbaycan Respublikası Dövlət Sərhəd Xidmətinin hərbi qulluqçularının təltif edilməsi haqqında Azərbaycan Respublikası Prezidentinin Fərmanı.
• Dövlət Sərhəd Xidmətində yeni generallar.
• Daha bir şəkili general-mayor (“Şəki bələdiyyəsi” qəzeti – № 09 (167) Sentyabr 2018 ).
• Zaqatala sərhəd dəstəsinin yaradılmasının 25-ci ildönümü qeyd olunub.
• 06.03.2018- Dövlət Sərhəd Xidmətinin Mətbuat Mərkəzinin Məlumatı.
• Azərbaycan Respublikası Dövlət Sərhəd Xidmətinin bir sıra hərbi qulluqçularının 3-cü dərəcəli “Rəşadət” ordeni ilə təltif edilməsi haqqında Azərbaycan Respublikası Prezidentinin Sərəncamı.
• Azərbaycan Respublikası Dövlət Sərhəd Xidmətinin bir sıra ali zabitlərinin həqiqi hərbi xidmətdən istefaya buraxılması haqqında Azərbaycan Respublikası Prezidentinin Sərəncamı.