Əziz Əfəndizadə

Əziz Əfəndizadə
	Əfəndizadə Əziz Rəcəb oğlu
	Əziz Əfəndizadə.
Doğum tarixi	13 yanvar 1924
Doğum yeri	Nuxa (indiki Şəki), Nuxa qəzası, Azərbaycan SSR, ZSFSR, SSRİ
Vəfat tarixi	25 yanvar 1996 (72 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elm sahəsi	filoloq, pedaqoq
İş yeri	Azərbaycan Dövlət Elmi-Tədqiqat Pedaqoji İnstitutu, Azərbaycan dili və ədəbiyyatının metodikası şöbəsi (şöbənin müdiri)
Elmi dərəcəsi	pedaqoji elmlər doktoru
Elmi adı	professor
Təhsili	• S.M.Kirov adına Azərbaycan Dövlət Universiteti, filologiya fakültəsi (1943–1948) • S.M.Kirov adına Azərbaycan Dövlət Universiteti, aspirantura, azərbaycan dilçiliyi ixtisası (1948–1951)
Atası	Rəcəb Əfəndizadə
Mükafatları	;

Əziz Əfəndizadə (1924–1996) — tanınmış pedaqoq, pedaqoji elmlər doktoru, professor, Azərbaycan SSR əməkdar müəllimi, Azərbaycan Dövlət Elmi-Tədqiqat Pedaqoji İnstitutunun Azərbaycan dili və ədəbiyyatının metodikası şöbəsinin müdiri.

Haqqında məlumatlar

13 yanvar 1924-cü il tarixdə Nuxada (indiki Şəki) anadan olub.

Təhsili

1942-ci ildə Bakı şəhər 18 №-li orta məktəbini bitirib.

1943 – 1948-ci illərdə S.M.Kirov adına Azərbaycan Dövlət Universitetinin filologiya fakültəsində,

1948 – 1951-ci illərdə S.M.Kirov adına Azərbaycan Dövlət Universitetinin aspiranturasında təhsil alıb.

Elmi fəaliyyəti

1954-cü ildə akademik M.Şirəliyevin rəhbərliyi ilə “Azərbaycan dilinin orfoepiyası” mövzusunda namizədlik dissertasiyasını müdafiə edərək filologiya elmləri namizədi elmi dərəcəsi,

1958-ci ildə baş elmi işçi (dosent) elmi adı,

1975-ci ildə “Azərbaycan dilinin orfoqrafiyası təliminin elmi əsasları” mövzusunda doktorluq dissertasiyasını müdafiə edərək pedaqoji elmlər doktoru elmi dərəcəsi,

1982-ci ildə professor elmi adı alıb.

Çap olunmuş 500-dək elmi, metodiki, publisistik məqalənin, o cümlədən 50-dən çox monoqrafiya, metodik vəsait, 9 dərsliyin müəllifidir.

Əmək fəaliyyəti

1951-ci ildən Azərbaycan Dövlət Elmi-Tədqiqat Pedaqoji İnstitutunda işləyib; o cümlədən,

1951-ci ildən kiçik elmi işçi,

1954-cü ildən baş elmi işçi,

1955-ci ildən isə Azərbaycan dili və ədəbiyyatının metodikası şöbəsinin müdiri vəzifəsində çalışıb.

İkinci iş yeri

1975 – 1991-ci illərdə “Azərbaycan dili və ədəbiyyatı tədrisi” jurnalının redaktoru olub.

Təltif və mükafatları

“Şərəf Nişanı” ordeni;
5 medal
“Azərbaycan SSR əməkdar müəllimi” fəxri adı (1981).

Vəfatı

25 yanvar 1996-cı il tarixdə – 72 yaşında, Bakıda vəfat edib.

Ədəbiyyat

Məmmədov Ə., Xalıqov F. Əfəndizadə Əziz // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 151-153. — 1.000 nüsx.
Mete Ə. Ata yolunun şöləsində // O torpağın övladları. — Bakı: Nurlan, 2006. — Səhifələrin sayı: 608. — Səh.: 185-193. — 500 nüsx.
Əfəndizadə Əziz Rəcəb oğlu // Azərbaycan Milli Ensiklopediyası : ensiklopediya : [25 cilddə] (tiraj: 10 000; 600 s.). — Bakı: “Azərbaycan Milli Ensiklopediyası” Elmi Mərkəzi, 2018. —VIII c. — Səh. 220-221. — ISBN 978-9952-441-13-0.