Əziz Əzizov

Əziz Əzizov
Əzizov Əziz Məmmədvəli oğlu
Əziz Əzizov
Doğum tarixi	1 mart 2000(2000-03-01)
Doğum yeri	Qayabaşı, Şəki rayonu, Azərbaycan
Vəfat tarixi	4 noyabr 2020 (20 yaşında)
Vəfat yeri	Şuşa rayonu, Azərbaycan
Vəfat səbəbi	döyüşdə şəhid olub
Atası	Məmmədvəli
Anası	Hədiyyə
Hərbi fəaliyyəti

Əziz Əzizov (2002–2020) — Vətən müharibəsində şəhid olmuş Azərbaycan Silahlı Qüvvələrinin əsgəri.

Haqqında məlumatlar

1 mart 2000-ci il tarixdə Şəki rayonunun Qayabaşı kəndində anadan olub.

Təhsili

2006 – 2017-ci illərdə Qayabaşı kənd tam orta məktəbində təhsil alıb.

Hərbi xidmətdə

2018 – 2019-cu illərdə «N» saylı hərbi hissədə hərbi xidmətdə olub.

27 sentyabr 2020-ci ildə başlayan Vətən müharibəsi zamanı Azərbaycanda elan edilmiş qismən səfərbərliklə əlaqədar olaraq orduya çağırılıb. Cəbrayıl, Qubadlı, Laçın, Şuşa rayonlarının işğaldan azad edilməsində iştirak edib.

Şəhid olması

4 noyabr 2020-ci il tarixdə Şuşa ətrafında gedən döyüşdə qarşı tərəfin endirdiyi artilleriya zərbəsi zamanı ürəyindən qəlpə yarası alaraq 20 yaşında qəhrəmancasına həlak olub.

6 noyabr 2020-ci il tarixdə Şəki rayonunun Qayabaşı kəndinin qəbiristanlığında dəfn edilib.

Ailəsi

Ailədə üç qardaş olublar. Subay idi.

Ədəbiyyat

1. 44 günlük zəfər savaşında 56 şəkili gənc qəhrəmanlıqla döyüşərək Vətən uğrunda şəhid olmuşdur : ƏZİZ Məmmədvəli oğlu Əzizov : [arx. 04.12.2021] // Şəki Şəhər İcra Hakimiyyəti. — Müraciət tarixi: 04.12.2021.