Abbasəli Əliyev

Abbasəli Əliyev
	Əliyev Abbasəli Abdurəhman oğlu
	Abbasəli Əliyev
Doğum tarixi	15 may 1911
Doğum yeri	Nuxa, Nuxa qəzası, Yelizavetpol quberniyası, Rusiya İmperiyası
Vəfat tarixi	23 avqust 1985 (74 yaşında)
Vəfat yeri	Şəki, Azərbaycan SSR, SSRİ
Uşaqları	İsmayıl Əliyev, Şərafət Əliyeva-Əzizova, Gülrux İsmayılova
Vətəndaşlıq	SSRİ
Peşəsi	həkim
Milliyyəti	azərbaycanlı
Mükafatları

Abbasəli Əliyev (Əliyev Abbasəli Abdurəhman oğlu; d. 15 may 1911-ci ildə, Nuxa, Nuxa qəzası, Yelizavetpol quberniyası, Rusiya İmperiyası – ö. 23 avqust 1985-ci ildə, Şəki, Azərbaycan SSR, SSRİ) – həkim-hərbçi, sovet ordusu kapitanı, Böyük Vətən müharibəsi iştirakçısı.

Haqqında məlumatlar

15 may 1911-ci il mayın 15-də Nuxada anadan olub.

Təhsili

1936-cı ildə Şəki Tibb Fəhlə Fakültəsini (Med.Rab.Fak.) bitirib.

1936 – 1941-ci illərdə Azərbaycan Dövlət Tibb İnstitutunda təhsil alıb.

Əmək fəaliyyəti

Hərbi xidmətdə

1941-ci ildə Tibb İnstitutunu bitirərkən Böyük Vətən Müharibəsi başlayıb və o, hərbçi-həkim kimi sovet ordusunda xidmətə çağırılıb. 1943-cü ildə 2-ci Ukrayna cəbhəsi 40-cı ordunun Kiyev “Qızıl Bayraqlı” Boqdan Xmelniski ordenli 50-ci atıcı korpusunun 134-cü briqada və 74-cü atıcı diviziyasının bütün hücum döyüşlərində iştirak edərək yaralılara qarşı diqqət, sevgi və məsuliyyətlə yanaşmışdır. Komandanlığın göstərişlərini nümunəvi yerinə yetirərkən göstərdiyi mərdlik və şücaət dövlət tərəfindən qiymətləndirilmiş və o, SSRİ Ali Soveti Rəyasət Heyəti adından “Qırmızı Ulduz” ordeni ilə təltif edilmişdir. Müharibə qurtardıqdan sonra da hərbi qulluqda qalıb və 17 il Uzaq Şərqdə, Tiflisdə, Zaqatalada, Lerikdə, Nasosnıda, Bakıda, Gəncədə və bir neçə digər şəhərdə hərbçi həkim kimi çalışıb. 1957-ci ildə kapitan rütbəsi ilə sovet ordusundan tərxis olunub.

Mülki xidmətdə

1957 – 1985-ci illərdə əmək fəaliyyətini Nuxa/Şəki Rayonlararası Mərkəzi Xəstəxanasında davam etdirib.

Vəfatı

23 avqust 1985-ci il tarixdə Şəkidə dünyasını dəyişib.

Ailəsi

Abbasəli Əliyev ailəsi ilə birlikdə.

Həyat yoldaşı: Xavər Əliyeva həkim-bakterioloq olub. 1979-cu ildə “Əmək veteranı” medalı, 1982-ci ildə uzun müddət qüsursuz işlədiyinə görə və anadan olmasının 60 illiyi münasibətilə Tibb İşçiləri Həmkarlar İttifaqının Şəki rayon şöbəsi tərəfindən fəxri fərmanla təltif edilmişdir.
Övladları: İsmayıl, Şərafət və Gülrux – hər üçü musiqiçidir.
- Oğlu: İsmayıl Əliyev, musiqiçi-pedaqoqdur. 1972 – 2017-ci illərdə Şəki Musiqi Texnikumunda əvvəl xalq çalğı alətləri şöbəsinin müdiri, sonra isə müəllim və xalq çalğı alətləri orkestrinin rəhbəri olub.
- Qızı: Şərafət Əliyeva-Əzizova, müəllim-konsertmeyster; 2003 – 2010-cü illərdə Trakya Universiteti Dövlət Konservatoriyasında (Türkiyə) çalışmış, 2012-ci ildən isə əmək fəaliyyətini Şəki Dövlət Regional Kollecində davam etdirmişdir.
- Qızı: Gülrux İsmayılova, 1975 – 1996-cı illərdə Şəki şəhər 2 №-li musiqi məktəbində, 2006 – 2020-ci illərdə (təqaüdə çıxana qədər) isə Xırdalan şəhər musiqi məktəbində konsertmeyster olaraq fəaliyyət göstərib.

Mükafatları

“Döyüş xidmətlərinə görə” medalı – 31.08.1943.
“Qırmızı Ulduz” ordeni – 05.08.1944.
“1941-1945-ci illər Böyük Vətən müharibəsində Almaniya üzərində qələbəyə görə” medalı – 1945.
“Döyüş xidmətlərinə görə” medalı – 26.10.1955.
“1941-1945-ci illər Böyük Vətən müharibəsində qələbənin 20 illiyi” yubiley medalı – 29.03.1966.
“SSRİ Silahlı Qüvvələrinin 50 illiyi” yubiley medalı – 16.05.1969.
“1973-cü il Sosializm yarışının qalibi” döş nişanı – 12.03.1973.
“1941-1945-ci illər Böyük Vətən müharibəsində qələbənin 30 illiyi” yubiley medalı – 22.09.1975.
Azərbaycan SSR Qırmızı Aypara Cəmiyyəti Mərkəzi komitəsinin fəxri fərmanı (işdə qazandığı nailiyyətlərinə və Azərbaycan SSR Qırmızı Aypara Cəmiyyətinin yaranmasının 50 illiyi münasibəti ilə) – 31.05.1973.
Azərbaycan SSR “Bilik” cəmiyyətinin fəxri fərmanı (zəhmətkeşlər arasında bilik təbliğatında fəal iştirakına görə) – 24.01.1977.

Şəkillər

“Qızıl Şərq” hərbi şəhərciyi (Salyan kazarması); birinci sırada sağdan birinci kapitan Abbasəli Əliyev, ikinci sırada sağdan birinci podpolkovnik Məmmədəmin Əsgərzadə...
Abbasəli Əliyev hərbçilər arasında.
Abbasəli Əliyev Şəki Mərkəzi Xəstəxanasının həkimləri arasında.

Şablon:Yaxşı məqalə