Abid Çələbi

Abid Çələbi — tanınmış yeniyetmə kamança ifaçısı, beynəlxalq və ölkə əhəmiyyətli bir sıra musiqi müsabiqələrinin qalibi, yaxud mükafatçısı.

Abid Çələbi
Çələbiyev Abid Ramil oğlu
Abid Çələbi, “Milli musiqi alətlərimiz milli sərvətimizdir” adlı konserti, M.Maqomayev adına Azərbaycan Dövlət Akademik Filarmoniyası (26 Yanvar 2022-ci il).
Şəxsi məlumatlar
Doğum tarixi	6 iyun 2008 (2008-06-06)
Doğum yeri	Şəki, Azərbaycan
Musiqi aləti	kamança
facebook səhifəsi youtube kanalı

Haqqında məlumatlar

6 iyun 2008-ci il tarixdə Şəkidə anadan olub.

Təhsili

2014-cü ildən Şəki şəhər 7 saylı tam orta məktəbində təhsil alıb.

2017 – 2020-cı illərdə Şəki Şəhər Uşaq İncəsənət Məktəbinin kamança sinfində təhsil alıb.

2020-ci ildən musiqi təhsilini Şəki şəhər 2 saylı uşaq musiqi məktəbində – Sərvər Əzimovun sinfində davam etdirib.

2022 ildən etibarən Azərbaycan Milli Konservatoriyasının tərkibində İncəsənət Gimnaziyasının 9-cu sinfinə qəbul olunub.

Musiqi sahəsində uğurları

• Habil Əliyev adına Gənc kamança ifaçıları müsabiqəsi – laureat (2018, Azərbaycan);
• “Evde sanat var” musiqi müsabiqəsi – mükafatçı (iyun, 2020; Türkiyə);
• “Golden Time” musiqi müsabiqəsi – 1-ci yer (iyun, 2020; London, Böyük Britaniya);
• “Gates of Hope” musiqi müsabiqəsi – 1-ci yer (mart, 2020; İsrail);
• Qara Qarayev adına musiqi müsabiqəsi – 1-ci yer və C.Cahangirovun Rondo əsərinin virtouz ifaçısı diplomu (mart, 2020; İsrail);
• “Üç alov” musiqi müsabiqəsi – 1-ci yer (1 iyun, 2020; Azərbaycan);
• “Art Olimpia 2021” musiqi müsabiqəsi – 1-ci yer (iyun, 2020; Azərbaycan);
• “Austrian Stars” beynəlxalq musiqi müsabiqəsi – 1-ci yer (noyabr; Avstriya);
• “Cantabile e presto” musiqi müsabiqəsi – 1-ci yer (2021; Kazan, Tatarıstan Respublikası, Rusiya Federasiyası);
• “Payız əfsanələri – 2021” musiqi müsabiqəsi – 1-ci yer (2021; Bakı, Azərbaycan);
• “Böyük Qafqaz İncəsənət və Rəqs Kuboku” – 2 nominasiya və hər ikisi 1-ci yer (2022, Şəki, Azərbaycan);
• “Art Olimpia 2022” – 2 nominasiya və hər ikisi 1-ci yer (2022 Bakı, Azərbaycan);
• “Könlüm keçir Qarabağdan” respublika müsabiqəsi – 1-ci yer (2022, Şuşa, Azərbaycan);
• “Adilia Aliyeva 17-ci beynəlxalq musiqi müsabiqəsi” – 1-ci yer (2022, Cenevrə, İsveçrə);
• “Qalib ölkənin qalibləri 2022” diplomu – (22 dekabr 2022-ci il, Azərbaycan).

Digər

25 Dekabr 2021-ci il tarixdə Şəkidə 2 saylı Uşaq Musiqi Məktəbinin rəhbərliyi və təşkilatçılığı ilə solo konserti təşkil olunub.

2022-ci ilin yanvar ayında bədii rəhbər və dirijor Azərbaycan Respublikasının xalq artisti Ağaverdi Paşayevin və əməkdar artist İlahə Hüseynovanın rəhbərliyi ilə “Gənclərə dəstək” layihəsində, iyul ayında isə Şuşa ili çərçivəsində “Milli musiqi alətlərimiz – milli sərvətimizdir” adlı layihəsində M.Moqomayev adına Azərbaycan Dövlət Filarmoniyasında Xalq Çalğı alətlərinin müşayiəti ilə çıxış edib.