Adil Qəribov

Adil Qəribov
Qəribov Adil Abdulxalıq oğlu
Adil Qəribov.
Doğum tarixi	28 mart 1950(1950-03-28)
Doğum yeri	İbrahimkənd, Nuxa rayonu, Azərbaycan SSR, SSRİ
Vətəndaşlıq	SSRİ→ Azərbaycan
İş yeri	Rabitə və Yüksək Texnologiyalar Nazirliyinin Milli Nüvə Tədqiqatları Mərkəzi, sədr
Elmi dərəcəsi	kimya elmləri doktoru
Elmi adı	professor
Təhsili	S.M.Kirov adına Azərbaycan Dövlət Universiteti, kimya fakültəsi
Üzvlüyü	AMEA-nın həqiqi üzvü
Mükafatları

Adil Qəribov — kimya elmləri doktoru, professor, AMEA-nın həqiqi üzvi, Azərbaycan Respublikasının əməkdar elm xadimi, Rabitə və Yüksək Texnologiyalar Nazirliyinin Milli Nüvə Tədqiqatları Mərkəzinin sədri.

Haqqında məlumatlar

28 mart 1950-ci il tarixdə Nuxa rayonunun İbrahimkənd kəndində anadan olub.

Təhsili

1966-cı ildə orta məktəbi gümüş medаlla bitirib.

1966 — 1972-ci illərdə S.M.Kirov adına Azərbaycan Dövlət Universitetinin kimya fakultəsində,

1972 — 1976-cı illərdə isə Azərbaycan SSR Elmlər Akademiyasının Radiasiya Tədqiqatları Sektorunun aspiranturasında təhsil alıb.

Əmək fəaliyyəti

1990 – 2001-ci illərdə Azərbaycan SSR Elmlər Akademiyası/Azərbaycan Milli Elmlər Akademiyası Radiasiya Tədqiqatları Sektorunda işləmiş,

1977 – 1978-ci illərdə mühəndis,

1978 – 1980-cı illərdə kiçik elmi işçi,

1980 – 1990-cı illərdə isə baş elmi işçi,

1990 – 1995-ci illərdə Heterogen sistemlərin radiasiya kimyası qrupunun rəhbəri,

1990 – 1995-ci illərdə Heterogen sistemlərin radiasiya kimyası laboratoriyasının rəhbəri olmuşdur.

2002 – 2014-cü illərdə AMEA Radiasiya Problemləri İnstitutunun direktoru vəzifəsində çalışıb.

2014-cü ildən Rabitə və Yüksək Texnologiyalar Nazirliyinin Milli Nüvə Tədqiqatları Mərkəzinin sədridir.

Elmi fəaliyyəti

1979-cu ildə “Seolit və seolit tərkibli krekinq katalizatorlarına ionlaşdırıcı şüaların təsiri” mövzusunda namizədlik dissertasiyasını,

1995-ci ildə isə “Oksid və metal-oksid sistemlərinin səthində maddənin radiasiya-katalitik parçalanması proseslərində enerji daşınmasının qanunauyğunluqları” mövzusunda doktorluq dissertasiyasını müdafiə edib.

1998-ci ildə professor elmi adını alıb.

2007-ci ildə radiasiya kimya ixtisası üzrə AMEA–nın müxbir üzvü,

2014-cü ildə isə həqiqi üzvü seçilib.

Elmi nəşrlərdə 324 məqaləsi dərc olunub.

İxtiralarına görə 31 müəlliflik şəhadətnaməsi alıb.

12 elmlər namizədinin, 2 elmlər doktorunun elmi rəhbəri olub.

Təltif və mükafatları

• “Azərbaycan Respublikasının əməkdar elm xadimi” fəxri adı (2005);
• “Şöhrət” ordeni (2020).

Ailəsi

Evlidir, 2 qızı, 1 oğlu var.

Ədəbiyyat

"MNTM haqqında:Sədr". http://www.mntm.az/ (azərb.). Milli Nüvə Tədqiqatları Mərkəzi. 27 Feb 2017 – 3 Jul 2020 tarixində arxivləşdirilib. Şablon:Yaxşı məqalə