Akif Salam

Akif Salam — Azərbaycan Respublikasının əməkdar jurnalisti, “Şəki” qəzetinin baş redaktoru.

Akif Salam
Salamov Akif Salam oğlu
Akif Salam, 1990-cı il.
Doğum tarixi	24 iyul 1950 (1950-07-24)
Doğum yeri	Kiçik Dəhnə, Nuxa (indiki Şəki) rayonu, Azərbaycan SSR, SSRİ
Vətəndaşlıq	SSRİ→ Azərbaycan
Təhsili	• S.M.Kirov adına Azərbaycan Dövlət Universiteti (indiki Bakı Dövlət Universiteti), jurnalistika fakültəsi (1967–1972)  • Bakı Ali Partiya Məktəbi, ideoloji kadr ixtisası, qiyabi (1983–1986)
Mükafatları
facebook səhifəsi

Haqqında məlumatlar

24 iyul 1950-ci il tarixdə Nuxa (indiki Şəki) rayonunun Kiçik Dəhnə kəndində anadan olub.

Təhsili

1957 – 1967-ci illərdə Kiçik Dəhnə kənd orta məktəbində,

1967 – 1972-ci illərdə S.M.Kirov adına Azərbaycan Dövlət Universitetinin (indiki Bakı Dövlət Universiteti) jurnalistika fakültəsində,

1983 – 1986-cı illərdə isə Bakı Ali Partiya Məktəbində təhsil alıb.

Əmək fəaliyyəti

1972-ci ildən “Şəki fəhləsi”/“Şəki” qəzetinin redaksiyasında işləyir; o cümlədən, əvvəlcə ədəbi işçi, sonra şöbə müdiri, məsul katib, redaktor müavini vəzifəsində çalışıb.

1992-cı ilin avqust ayından isə redaktor olub.

İkinci iş yerləri

Müxtəlif illərdə “Azərbaycan gəncləri” və “Naxçıvan” qəzetlərinin, AZƏRTAC və SİA informasiya agentciklərinin Şəki-Zaqatala bölgəsi üzrə xüsusi müxbiri, Şəki Texniki Kollecində müəllim, “Bilik” Maarifçilik Cəmiyyətinin mühazirəçisi,

2010 – 2023-cü ilə kimi Azərbaycan Respublikası Milli Məclisinin deputatı Cavanşir Feyziyevin köməkçisi vəzifəsində çalışıb.

Digər

Uzun müddət “Şəki fəhləsi”/“Şəki” qəzetinin nəzdində fəaliyyət göstərən “Səbuhi” ədəbi məclisinə rəhbərlik edib.

Təltif və mükafatları

• Ümumittifaq LKGİ-nın Ulyana Qromova adına mükafatı;
• “Qızıl qələm” mükafatı;
• “Azərbaycan Respublikasının əməkdar jurnalisti” fəxri adı (2015).
• “Tərəqqi” medalı (2020).

İctimai-siyasi aktivliyi

YAP üzvüdür.

Ailəsi

Ailəlidir, altı övladı var.

Ədəbiyyat

1. Orsər R. Akif Salam // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 531-534. — 500 nüsx. — ISBN 978-9952-8176-5-2.