Almas Hüseynbəyova: Redaktələr arasındakı fərq

Şəki Ensiklopediyası səhifəsi
Redaktənin izahı yoxdur
Redaktənin izahı yoxdur
Sətir 9: Sətir 9:
  |Doğum tarixi          = {{Doğum tarixi|1934|1|13}}
  |Doğum tarixi          = {{Doğum tarixi|1934|1|13}}
  |Doğum yeri            = [[Nuxa]] (indiki Şəki), {{AzSSR}}, {{ZSFSR}}, {{SSRİ}}
  |Doğum yeri            = [[Nuxa]] (indiki Şəki), {{AzSSR}}, {{ZSFSR}}, {{SSRİ}}
  |Vəfat tarixi          = {{Vəfat tarixi və yaşı|2016|1|16|1934|1|13}}
  |Vəfat tarixi          = {{Vəfat tarixi və yaşı|2016|1|16|1934|1|31}}
  |Vəfat yeri            = Bakı, {{AZE}}
  |Vəfat yeri            = Bakı, {{AZE}}
  |Vəfat səbəbi          =  
  |Vəfat səbəbi          =  

23:18, 5 sentyabr 2022 versiyası

Almas Hüseynbəyova
Hüseynbəyova Almas Məmmədəli qızı
Almas Hüseynbəyova
Almas Hüseynbəyova.
Doğum tarixi 13 yanvar 1934(1934-01-13)
Doğum yeri Nuxa (indiki Şəki), Azərbaycan SSR, ZSFSR, SSRİ
Vəfat tarixi 16 yanvar 2016 (81 yaşında)
Vəfat yeri Bakı, Azərbaycan
Dəfn yeri Bakı, Azərbaycan
Vətəndaşlıq SSRİ Azərbaycan
Elm sahəsi riyaziyyat
Elmi dərəcəsi fizika-riyaziyyat elmləri namizədi
Elmi adı dosent
Təhsili

 • S.M.Kirov adına Azərbaycan Dövlət Universiteti, fizika-riyaziyyat fakültəsi, riyaziyyat ixtisası (–1957)

 • V.İ.Lenin ordenli Moskva Energetika İnstitutu, aspirantura (1957–1960)
Həyat yoldaşları Əli Əhmədov, Həmid Rəsulov

Almas Hüseynbəyova (1934–2016) — fizika-riyaziyyat elmləri namizədi, dosent. Uzun müddət Azərbaycan SSR EA/AMEA Riyaziyyat və Mexanika İnstitutunda müxtəlif vəzifələrdə çalışmışdır.

Haqqında məlumatlar

31 yanvar 1934-cü il tarixdə Nuxada (indiki Şəki) anadan olub.

Təhsili

1951-ci ildə Şəki şəhər 5 saylı orta məktəbini,

1957-ci ildə S.M.Kirov adına Azərbaycan Dövlət Universitetinin fizika-riyaziyyat fakültəsini bitirib.

1957-ci ildə Elmi Şuranın qərarı ilə aspiranturada saxlanılıb, 3 illik Moskva şəhərinə ezam edilərək aspirantura dövrünü V.İ.Lenin ordenli Moskva Energetika İnstitutunda keçirib.

Elmi fəaliyyəti

Riyaziyyat və Mexanika İnstitutunun əməkdaşları 1960-cı illərdə; sağdan: Fərəməz Maqsudov, Almaz Hüseynbəyova, Şamil Vəkilov, Bala İsgəndərov, Xamis Nəcəfov.

S.M.Kirov adına Azərbaycan Dövlət Universitetinin Elmi Şurasında V.İ.Lenin ordenli Moskva Energetika İnstitutunun professoru f.-r.e.d. M.İ.Vişikin rəhbərliyi altında “Potensial çuxurlu məsələlərdə məxsusi funksiyalar ədədlərin asimptotik tədqiqi” mövzusunda dissertasiya müdafiə edərək fizika-riyaziyyat elmləri namizədi alimlik dərəcəsini alıb.

1965-ci ildə Azərbaycan SSR Elmlər Akademiyasının Rəyasət Heyətinin qərarı ilə diferensial tənliklər ixtisası üzrə ona baş elmi işçi (dosent) elmi adı verilib.

Moskva, Leninqrad şəhərlərində riyaziyyat üzrə qurultay, simpozium və seminarlarda elmi məruzələrlə çıxış edib. 1965-ci ildə Polşa Respublikasında bir aylıq elmi məzuniyyətdə olub, Varşava, Krakov və Poznan şəhərlərində elmi məruzələrlə çıxış edib.

27 elmi məqalənin, 30 hesabatın, 2 tərcümə, 3 elmi kütləvi məqalənin müəllifidir. “Elm və həyat” və “Fizika və riyaziyyat tədrisi” jurnallarında riyaziyyata aid məqalələri çap olunub. Kvant mexanikasında rast gələn və kiçik parametrin iştirak etdiyi bir çox məsələlərin həllinin kiçik parametrə görə asimptotikasını vermiş, ayrılışın qalpıq həddini qiymətləndirmişdir. Həmçinin ikinci tərtib elliptik operator üçün birölçülü başqa ölçülərinə nəzərən kiçik olan oblastlarda məxsusi funksiya və məxsusi ədədlərin asimptotik ayrılışını, deyilənlərlə yanaşı dar və dərin potensial çuxurda yerləşən mexaniki hissəciyin stasionar vəziyyətinin sayını tapmışdır.

İki nəfər elmlər namizədi yetişdirib.

Əmək fəaliyyəti

1957-ci ildə – hələ S.M.Kirov adına Azərbaycan Dövlət Universitetinin 5-ci kursunda oxuyarkən, Azərbaycan SSR EA Fizika-Riyaziyyat İnstitutuna işə qəbul olunub.

1960-ci ildən ömrünün sonunadək Azərbaycan SSR EA/AMEA Riyaziyyat və Mexanika İnstitutunda işləyib; o cümlədən, əvvəl kiçik elmi işçi, sonra şöbə müdiri, daha sonra laboratoriya müdiri və nəhayət,

1995-ci ildən institutun nəzdindəki Xüsusi Konstruktor bürosunda elmi işlər üzrə direktor müavini,

2000-ci ildən isə aparıcı elmi işçi vəzifəsində çalışıb.

2013-cü ildə öz ərizəsi ilə təqaüdə çıxıb.

Pedaqoji fəaliyyəti

Elmi fəaliyyətini pedaqoji fəaliyyəti ilə uyğunlaşdıraraq həm indiki Bakı Dövlət Universitetində, həm də indiki Azərbaycan Dövlət Pedaqoji Universitetində diferensial tənliklər sahəsində mühazirələr və xüsusi kurslar oxuyub. 4 il ardıcıl olaraq Azərbaycan Dövlət Pedaqoji Universitetində riyaziyyat fənni üzrə Dövlət İmtahan Komissiyasının sədri olub.

İctimai fəaliyyəti

SSRİ maarif, ali məktəb və elmi idarə işçiləri həmkarlar ittifaqının IX qurultayının, qadınların Bakıda keçirilən IV qurultayının iştirakçısı, Azərbaycan Həmkarlar İttifaqı Komitəsinin üzvü və AMEA Riyaziyyat və Mexanika İnstitutunun Həmkarlar İttifaqının sədri olub.

Vəfatı

16 yanvar 2016-cı il tarixdə – 82 yaşında, Bakıda vəfat edib. Vəsiyyətinə uyğun olaraq Bakıda – əri Həmid Rəsulovun qəbrinin yanında da dəfn olunub.

Ədəbiyyat

Məmmədov Ə., Xalıqov F. Hüseynbəyova Almas // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 240-242. — 1.000 nüsx.