Arzu Məmmədnəbi-İnceer

Arzu Məmmədnəbi-İnceer
	Arzu Qurban qızı Məmmədnəbi (Məmmədnəbiyeva)
	Arzu Məmmədnəbi-İnceer, 2019-cu il.
Doğum tarixi	3 oktyabr 1974 (49 yaş)
Doğum yeri	Şəki, Azərbaycan SSR, SSRİ
Təhsili	Şəki Tibb Məktəbi (1991–1994)
Atası	Qurban
Anası	Liyozə Məmmədnəbiyeva
Həyat yoldaşı	Osman İnceer
facebook səhifəsi

Arzu Məmmədnəbi-İnceer — rəssam, fotoqraf və keramist. Şimali Kipr Türk Respublikasında fəaliyyət göstərən “Lefkoşa Arapahmet Art Stüdyo”nun rəssamıdır. Xeyriyyəçilik fəaliyyəti ilə də məşğul olur.

Haqqında məlumatlar

3 oktyabr 1974-cü il tarixdə Şəkidə anadan olub.

Təhsili

1980 – 1990-cı illərdə M.Qorki adına Şəki şəhər 10 №-li orta məktəbində,

1991 – 1994-cü illərdə isə Şəki Tibb Məktəbində təhsil alıb.

Əmək fəaliyyəti

1994-cü ildən sonra əvvəlcə bir müddət Şəkidəki tibb müəssisəsində,

2001 – 2003-cü illərdə isə qadınlar üçün təşkil olunmuş kompüter kursunda işləyib.

2003-cü ildə Şimali Kipr Türk Respublikasında fəaliyyət göstərən sığorta şirkətində rus dili üzrə tərcüməçi vəzifəsində işləməyə dəvət olunub.

2017-ci ildən Kiprdəki “Lefkoşa Arapahmet Art Stüdyo”da rəssam işləyir.

Yaradıcılığı

Kiprdə müxtəlif vaxtlarda təşkil olunmuş fotoqrafiya, keramika və rəsm sərgilərində 3 dəfə öz əsərlərini nümayiş etdirib.

Yaradıcılığından nümunələr

İdman fəaliyyəti

Kikboksinq qara kəmər sahibidir. 2015-ci ildə idman karyerasını başa vurub.

Ailəsi

Bioloji atası tanınmış teatr rəssamı Söhrab Arabov, bioloji anası isə Məxmər adlı bir qadın olub. Lakin Arzu 4 aylığında olarkən onlar Arzudan imtina edərək Kirovabad (indiki Gəncə) uşaq evinə təhvil veriblər.

1977-ci ildə Liyozə Məmmədnəbiyeva adlı bir Şəki şəhər sakini Arzunu övladlığa götürüb. Liyozə Məmmədnəbiyeva heç vaxt ailə qurmamışdı. O, Arzunun atasının adını Qurban, təvəllüdünü isə 1 avqust 1974-cü il yazdırıb. Liyozə Məmmədnəbiyeva 1991-ci ildə vəfat edib və Arzu 17 yaşında kimsəsiz qalıb.

2004-cü ildə Arzu Kiprdə Osman İnceerlə ailə qurub.