Aydın Məmmədov (filoloq)

Aydın Məmmədov
Məmmədov Aydın Mirsaleh oğlu
Azərbaycan Respublikası Ali Sovetinin Rəyasət heyətinin üzvü 7 fevral 1991
Şəxsi məlumatlar
Doğum tarixi	16 yanvar 1944(1944-01-16)
Doğum yeri	Kiş, Şəki rayonu, Azərbaycan SSR, SSRİ,
Vəfat tarixi	19 aprel 1991 (47 yaşında)
Vəfat yeri	Qax rayonu, Azərbaycan, SSRİ
Dəfn yeri	Kiş, Şəki rayonu, Azərbaycan, SSRİ
Təhsili	S.M.Kirov adına Azərbaycan Dövlət Universiteti, filologiya fakültəsi ( – 1965) SSRİ EA Dilçilik İnstitutu, türk dilləri bölməsi, aspirantura (1969 – )

Aydın Məmmədov (1944 – 1991) — türkoloq, ədəbiyyatşünas, ictimai-siyasi xadim. Azərbaycan SSR Ali Sovetinin deputatı və Rəyasət heyətinin üzvü olub.

Haqqında məlumatlar

16 yanvar 1944-cü il tarixdə Nuxa rayonunun Kiş kəndində anadan olub.

Təhsili

1960-cı ildə Oxud kənd məktəbini qızıl medalla, bitirib.

1965-ci ildə isə S.M.Kirov adına Azərbaycan Dövlət Universitetinin filologiya fakültəsini fərqlənmə diplomu ilə bitirib.

1969-cu ildən isə təhsilini SSRİ EA Dilçilik İnstitutunun türk dilləri bölməsinin aspiranturasında davam etdirib.

Əmək fəaliyyəti

1970 – 1990-cı illərdə Azərbaycan SSR EA-nın əvvəl Nəsimi adına Dilçilik İnstitutunda kiçik elmi işçi, ümumi və tipoloji şöbənin dilçilik şöbəsinin müdiri vəzifələrində çalışmış, sonra isə Dil və İncəsənət bölməsinin elmi katibi olmuşdur.

İkinci iş yeri

1987-ci ildən «Sovetskaya tyurkoloqiya» «Советская тюркология» jurnalının baş redaktorunun birinci müavini idi.

1980-cı illərin sonlarından Azərbaycan Yazıçılar İttifaqı yanında respublika bədii tərcümə və ədəbi əlaqələr mərkəzinin sədri,

Qarabağa Xalq Yardımı Komitəsi sədrinin müavini olub.

Elmi fəaliyyəti

“Türk dillərində samit səslər: sözönü və səs birləşmələri” adlı mövzusunda dissertasiya müdafiə etməyə hazırlaşırdı. Yüzdən çox elmi, ədəbi-tənqidi məqalənin müəllifidir.

Digər

SSRİ Yazıçılar İttifaqının,

«Sovetskiy pisatel» «Сове́тский писа́тель» nəşriyyatı idarə heyətinin,

SSRİ Altayşünaslar Cəmiyyətinin,

Sovet Türkoloqlar Komitəsinin,

1980-cı illərin sonlarında fəaliyyətə başlamış “Vətən”, “Qayğı” və “Azərbaycan – Türkiyə” cəmiyyətlərinin idarə heyətlərinin,

7 fevral 1991-ci il tarixdə təşkil olunmuş Azərbaycan Respublikası Ali Sovetinin Rəyasət heyətinin,

28 mart 1991-cı il tarixdə Azərbaycan Respublikası Ali Soveti tərəfindən təşkil edilmiş Azərbaycan Respublikasının Dövlət himninin ən yaxşı mətni, Dövlət gerbinin, orden və medalının ən yaxşı təsvirləri üçün müsabiqə keçirilməsi üzrə komissiyanın üzvü olub.

Kitabları

Sözümüz eşidilənədək, 1988;

Son giley, 1992.

Vəfatı

19 aprel 1991-ci il tarixdə – 47 yaşında, Qax rayonu ərazisində avtomobil qəzasında həlak olub.

Kiş kəndində dəfn olunub.

Xatirəsi

Şəki şəhərində bir küçəyə adı verilib.

Ədəbiyyat

• Məmmədov Ə., Xalıqov F. Məmmədov Aydın // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 384 – 386. — 1.000 nüsx.
• Mete Ə. Tez apardı ölüm səni // O torpağın övladları. — Bakı: Nurlan, 2006. — Səhifələrin sayı:  608. — Səh.: 466 – 471. — 500 nüsx.
• Orsər R. Aydın Məmmədov (filoloq) // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 465 – 468. — 500 nüsx. — ISBN 978-9952-8176-5-2.