Aydın Rzayev

Aydın Rzayev
Rzayev Aydın Tahir oğlu
Aydın Rzayev
Doğum tarixi	31 dekabr 1937(1937-12-31)
Doğum yeri	Nuxa, Nuxa rayonu, Azərbaycan SSR, SSRİ
Vəfat tarixi	8 noyabr 2014 (76 yaşında)
Vəfat yeri	Bakı, Azərbaycan
Dəfn yeri	Məhəmməd əfəndi qəbiristanlığı, Şəki, Azərbaycan
Vətəndaşlıq	SSRİ→ Azərbaycan
Elm sahəsi	filologiya
Elmi dərəcəsi	filologiya elmləri namizədi
Təhsili	S.M.Kirov adına Azərbaycan Dövlət Universiteti, filologiya fakültəsi S.M.Kirov adına Azərbaycan Dövlət Universiteti, filologiya fakültəsi, aspirantura
Tanınır	Dədə Aydın

Aydın Rzayev (d. 31 dekabr 1937-ci ildə, Nuxa, Nuxa rayonu, Azərbaycan SSR, SSRİ – ö. 8 noyabr 2014-cü ildə, Bakı, Azərbaycan Respublikası) – filoloq-alim, filologiya elmləri namizədi, pedaqoq; həyatının son illərində Bakı Dövlət Universitetində metodist-müəllim vəzifəsində çalışırdı, daha əvvəl, bir müddət Azərbaycan Respublikası Prezidentinin Xarici Ölkələrlə Mədəni Əlaqələr üzrə müşavirinin referenti də olub.

Haqqında məlumatlar

31 dekabr 1937-ci il tarixdə Nuxada anadan olub.

Təhsili

1956-cı ildə Nuxa şəhər M.Qorki adına 10 №-li məktəbi,

1971-ci ildə S.M.Kirov adına Azərbaycan Dövlət Universitetinin filologiya fakültəsini bitirib.

1971-ci ildə təhsilini S.M.Kirov adına Azərbaycan Dövlət Universitetinin filologiya fakültəsinin aspiranturasında davam etdirməyə başlayıb.

Elmi fəaliyyəti

Filologiya elmləri doktoru, professor İ.Bektaşinin rəhbərliyi altında “Üzeyir Hacıbəyov və folklor” adlı mövzuda namizədlik dissertasiyası müdafiə edib. Bu elmi tədqiqat işi elmi şuranın qərarı ilə “Çağlayan bulaq” adlı kitab şəklində çap olunub.

100-dən artıq elmi, publisistik məqalələri mətbuatda dərc olunub. Bir sıra forum, simpozium, konfrans və sessiyalarda elmi məruzələrlə çıxış edib.

Əmək fəaliyyəti

1973-cü ildən S.M.Kirov adına Azərbaycan Dövlət Universitetinin filologiya fakültəsində əvvəl baş laborant, sonra isə digər vəzifələrdə çalışıb (2000-ci illərin əvvəllərində Bakı Dövlət Universitetində metodist-müəllim idi.).

Bir müddət Azərbaycan Respublikası Prezidentinin Xarici Ölkələrlə Mədəni Əlaqələr üzrə müşavirinin referenti olub.

Ədəbiyyat

• Məmmədov Ə., Xalıqov F. Rzayev Aydın // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 491 – 492. — 1.000 nüsx.