Aydın Əhmədov

Aydın Əhmədov
Əhmədov Aydın Qaffar oğlu
Aydın Əhmədov
Doğum tarixi	20 iyun 1934(1934-06-20)
Doğum yeri	Nuxa, Nuxa rayonu, Azərbaycan SSR, ZSFSR, SSRİ
Vəfat tarixi	1 dekabr 2009 (75 yaşında)
Vətəndaşlıq	SSRİ→ Azərbaycan
Elm sahəsi	geofizika
İş yeri	Azərbaycan Geofizika Elmi-Tədqiqat İnstitutu
Elmi dərəcəsi	geologiya-mineralogiya elmləri doktoru
Təhsili	S.M.Kirov adına Azərbaycan Dövlət Universiteti (1958) Ümumittifaq Geofizika Elmi Tədqiqat İnstitutunun aspiranturası (Moskva, 1962 – 1965)

Aydın Əhmədov (Əhmədov Aydın Qaffar oğlu; d. 20 iyun 1934-cü ildə, Nuxa, Nuxa rayonu, Azərbaycan SSR, ZSFSR, SSRİ − ö. 1 dekabr 2009-cu il, Bakı, Azərbaycan Respublikası) — geologiya-mineralogiya elmləri doktoru, müxtəlif elmi vəzifələrdə çalışmış, o cümlədən, 1971 – 2007-ci illərdə Azərbaycan SSR EA/Azərbaycan MEA Geofizika Elmi Tədqiqat İnstitutunda baş elmi işçi, laboratoriya müdiri, aparıcı elmi işçisi olmuşdur. “Şəkidən başlandı uzaq səfərlər” adlı elmi-populyar kitabın müəllifidir.

Haqqında məlumatlar

1934-cü ildə Nuxada anadan olub.

Təhsili

1958-ci ildə S.M.Kirov adına Azərbaycan Dövlət Universitetini bitirib.

1962 – 1965-ci illərdə Moskvada Ümumittifaq Geofizika Elmi Tədqiqat İnstitutunun aspiranturasında təhsil alıb.

Əmək fəaliyyəti

1958 – 1962-ci illərdə Türkmənistanda, Özbəkistanda və Rusiyada (Sibirdə) geoloji-geofiziki kəşfiyyat ekspedisiyalarında çalışıb.

1965 – 1971-ci illərdə Azərbaycan SSR EA Geologiya İnstitutunun baş mühəndis, elmi işçi,

1971 – 2007-ci illərdə Geofizika Elmi Tədqiqat İnstitutunda baş elmi işçi, laboratoriya müdiri, aparıcı elmi işçisi vəzifələrində çalışıb.

Elmi fəaliyyəti

1968-ci ildə namizədlik,

1991-ci ildə isə doktorluq dissertasiyası müdafiə edib.

100-dәn çox elmi əsərin, o cümlədən, 1 monoqrafiyanın, 9 ixtiranın müəllifidir.

Əsas elmi nailiyyətləri

Elmi fəaliyyəti əsasən neft kəşfiyyatı problemlərinə həsr olunub. O, neft və qaz kəşfiyyatı üçün tomoqrafiya prinsipi əsasında yeni üsul - “Sınan dalğalarla dinamik eninə profilləmə metodu”nu kəşf etmişdir. Bu üsulla Qərbi Özbəkistanda 21 qaz və “Şəki” adlandırılmış neft yatağı tapılmışdır.

Əsas elmi əsərlərinin adları

1.Geofiziki məlumatlar və onların interpretasiyası, Bakı, "Qanun", 2001. [1]

İstifadə edilmiş mənbələr

• ƏHMƏDOV Aydın Qafar oğlu // Azərbaycan Milli Ensiklopediyası : ensiklopediya  : [25 cilddə] (tiraj: 25 000; 608 s.). — Bakı: “Azərbaycan Milli Ensiklopediyası” Elmi Mərkəzi, 2015. —VI  c. — Səh. ?. — ISBN 978-9952-441-11-6.
• Məmmədov Ə., Xalıqov F. Əhmədov Aydın // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 194 – 196. — 1.000 nüsx.