Aşağı Şabalıd
| Yaşayış məntəqəsi
Aşağı Şabalıd
|
Aşağı Şabalıd — Azərbaycan Respublikasının Şəki rayonunun inzibati ərazi vahidində kənd. Aşağı Şabalıd kəndi şimaldan Dağıstanla sərhəddir.
Aşağı Şabalıd Şəki rayonunun İncə inzibati ərazi vahidində kənd. Murdarçayın sahilindədir. Oykonimin birinci komponenti kəndin yerləşdiyi coğrafi movqeyi bildirir, ikinci komponent isə ərazidə yetişdirilən Şabalıd bitkisinin adındandır[1].
Tarixi
Kəndin tarixi qədimdir. Kənddə olan toponimlərə görə kənd e.r. 4-5 əsrində salınıb. Kəndin yuxarı başında Kilsə Burnu adlanan ərazi var ki, bu da burada yaşayan insanların zərdüşlükdən sonra xiristian dininə staiş etməsini bildirir. VII-X əsirlərdə ərəblər Azərbaycana gəldikdən sonra əhali islam dinini qəbul etmişdir. Hal-hazırda bu misionerlərin nəslindən olan övliyaların qəbirləri qalmaqdadır. XX əsrin əvvələrində kənddə 4 böyük məscid və 5 su dəyirmanı olmuşdur. Bu dövürlərdə kənddə 30-a qədər Həcc ziyarətinə gedib-gəlmiş insanlar olmuşdur.
Mədəniyyəti
Kənd əhali sayına görə kiçik olsa da mədəniyyətin müxtəlif sahələri inkişaf etmişdir. Bunlardan biridə qədim musiqi aləti olan qara zurnada ifanın geniş yayılmasıdır.
Kənddən olan zurnaçı ifaçilarindan İlham və Xurşud Xəlilovlar, Süleyman Salahov, Camaləddin İsmayılov, Qismət Kərimov və başqaları bu ifanın ustalarıdır. Kəndin mədəniyyət evi, kitabxanası, feldşer-mama məntəqəsi fəaliyyət göstərir.
Coğrafiyası və iqlimi
Asagı Şabalıd Şəki rayonunun şm. qə Böyük Qafqaz daglarının cənubunda yerləşir. Aşağı Şabalıd toponimi Sabalıd adından götürülüb. Üc tərəfdən dağlarla əhatə olunub.Qabaq hissəsindən Şin cayı axır. Kənd XX- əsrin I-yarsinda Şin çayı tərəfindən tamamən dağıdılmışdır. Dağlarin qoynunda yerləşən kəndin hündürlüyü okean səviyyəsindən 650 m-dir. Ən hündür yeri Güllü təpədir – 1820 m. Kənd iki dağ dərəsi arasında yerləşir. Aşağı Şabalıd kəndi mülayim iqlim qurşağında yerləşir. İqlim tipi- yağintıları ilboyu bərabərpaylanan mülayim isti tipdir. Kəndin iqlimi və təbiəti turizim ücün cox gözəl şərait yardıb.
Əhalisi
Aşağı Şabalıdın əhalisi 678 nəfərdir. Kəndin əhalisi azərbaycanlılardan ibarətdir.
İqtisadiyyatı
Aşağı Şabalıd kəndində SSRİ dağılana qədər iqtisadiyyatının əsasını tütünçülük təşkil edir, ümümi gəlirinin 87.6 faizi onun payına düşürdü. İkinci gəlir sahəsi heyvandarlıq olmuşdur. Hal-hazırda kəndin əsas gəlir mənbəyi yenə də heyvandarlıq və tərəvəzcilkdir.
İstinadlar
- ↑ "Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.
