Böyükağa Mirsalayev

Böyükağa Mirsalayev (1893–1938) — Azərbaycanda sovetləşmənin ilk onlliklərində məsul vəzifələr tutmuş partiya və dövlət xadimi, Stalin repressiyası qurbanı.

Böyükağa Mirsalayev
Mirsalayev Böyükağa Əbülfət oğlu
Böyükağa Mirsalayev.
Anadan olub	1893(1893-Şablondakı doğum və ya ölüm tarixində texniki yanlışlıq var!-00)
Anadan olduğu yer	Rəzqov kəndi, Lənkəran qəzası, Bakı quberniyası, Rusiya İmperiyası
Vəfat edib	8 yanvar 1938 (45 yaşında)
Vəfat etdiyi yer	Bakı, Azərbaycan SSR, SSRİ

Haqqında məlumatlar

1893-cü ildə Lənkəran qəzasının Rəzqov kəndində anadan olub.

Təhsili

Bakıda üçillik ibtidai təhsil alıb.

1920-ci ildə Azərbaycanda sovet hökuməti qurulduqdan sonra Moskvada rəhbər kadrlar hazırlayan birillik kursu bitirib.

Əmək fəaliyyəti

1906-cı ildən — 13 yaşından, Bakıda neft mədənlərində fəhlə işləyib.

1925-ci ildə Azərbaycan K(b)P Qazax rayon komitəsinin məsul katibi,

1927-ci ildə Azərbaycan K(b)P Nuxa şəhər komitəsinin məsul katibi,

1929-cu ildə “Azərittifaq”ın Rəyasət Heyətinin sədri,

1930-cu ildə əvvəl Lənkəran Mahal İcraiyyə Komitəsinin sədri, az sonra isə Azərbaycan K(b)P Lənkəran rayon partiya komitəsinin məsul katibi seçilib.

Həbsi və güllələnməsi

1936-cı ildə, Stalin repressiyası dövründə həbs edilib.

8 yanvar 1938-ci il tarixdə – 45 yaşında, güllələnib.

8 dekabr 1956-cı il tarixdə bəraət alıb.

Maraqlı

1930-cu ilin yayında Azərbaycanın cənub bölgəsi haqqında “Vostokkino” tərəfindən çəkilmiş etnoqrafik kino-oçerkdə Lənkəran Mahal İcraiyyə Komitəsinin sədri Böyükağa Mirsalayevin çıxışı da kadrlara düşmüşdür.

Ədəbiyyat

1. Мирсалаев Беюк-Ага Абульфат-оглы (1893) : [arx. 27 Nov 2020 - 4 Aug 2021] : [rus.] // Открытый список. — Müraciət tarixi: 09.01.2022.

Həmçinin, bax:

Azərbaycan KP Şəki şəhər partiya komitəsinin birinci katibləri