Babək İsgəndərov
| Babək İsgəndərov | |
|---|---|
| İsgəndərov Babək Ağabala oğlu | |
 | |
| Babək İsgəndərov Böyük Qafqaz dağlarında. | |
| Doğum tarixi | 1 iyun 1986 |
| Doğum yeri |
Oravan (indiki Oraban), Şəki rayonu, .svg){kind=small} Azərbaycan SSR,  SSRİ |
| Təhsili |
• Azərbaycan Dövlət Bədən Tərbiyəsi və İdman Akademiyası (2006–2011) • Azərbaycan Hava və Ekstremal İdman Növləri Federasiyasının Dağçılıq Məktəbi (2011) |
Babək İsgəndərov — tanınmış alpinist, Azərbaycan Hava və Ekstremal İdman Növləri Federasiyasının Dağçılıq Məktəbinin tədris bölməsinin rəhbəri.
Haqqında məlumatlar
1 iyun 1986-cı il tarixdə Şəki rayonunun Oravan (indiki Oraban) kəndində anadan olub.
Təhsili
2006 – 2011-ci illərdə Azərbaycan Dövlət Bədən Tərbiyəsi və İdman Akademiyasında idman turizmi ixtisası üzrə təhsil alıb.
2011-ci ildə həm də Azərbaycan Hava və Ekstremal İdman Növləri Federasiyasının Dağçılıq Məktəbini bitirib.
Əmək və idman fəaliyyəti
2011-ci ildən sonra Azərbaycan Hava və Ekstremal İdman Növləri Federasiyasında (FAIREX) çalışır; o cümlədən, əvvəl təlimçi, sonra isə federasiyanın Dağçılıq Məktəbinin tədris bölməsinin rəhbəri olub.
2017-ci ilin avqust ayında Avrasiya Alpinizm və Qayayadırmanma Assosiasiyası və Rusiyanın Milli və Qeyri-Olimpiya İdman Növləri Birliyinin təşkilatçılığı ilə keçirilmiş Beynəlxalq Alpiniada yarışlarında iştirak etmiş və bu yarışlar çərçivəsində Azərbaycan Hava və Ekstremal İdman Növləri Federasiyasının dağçılarından ibarət ekspedisiya qrupunun digər üzvü Rinat Rəhimxanovla birlikdə Qafqaz dağlarının ən hündür zirvəsi olan Elbrusa (5642 m) qalxmışdır.
 | © 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |