Baba Babazadə

Baba Babazadə
Baba Hüseynəli oğlu Babazadə (Babayev)
Baba Babazadə.
Doğum tarixi	17 mart 1955(1955-03-17)
Doğum yeri	Baş Göynük, Nuxa rayonu, Azərbaycan SSR, SSRİ
Vəfat tarixi	6 may 2011 (56 yaşında)
Elm sahəsi	filologiya
Elmi dərəcəsi	filologiya elmləri doktoru
Elmi adı	professor

Baba Babazadə (1955 – 2011) — ədəbiyyatşünas, filologiya elmləri doktoru, Bakı Dövlət Universitetinin Azərbaycan ədəbiyyatı tarixi kafedrasının professoru.

Haqqında məlumatlar

17 mart 1955-ci il tarixdə Nuxa rayonunun Baş Göynük kəndində anadan olub.

Təhsili

1972-ci ildə Baş Göynük kənd 1 saylı orta məktəbi bitirib.

1976-ci ildə S.M.kirov adına Azərbaycan Dövlət Universitetinin filologiya fakültəsinin hazırlıq şöbəsinə daxil olub.

1977 – 1982-ci illərdə S.M.Kirov adına Azərbaycan Dövlət Universitetin filologiya fakültəsində,

1984 – 1987-ci illərdə S.M.Kirov adına Azərbaycan Dövlət Universitetin aspiranturasında təhsil alıb.

Əmək fəaliyyəti

1982-ci ildən Quba rayonunun Talabı kənd məktəbində müəllim,

1988-ci ildən S.M.Kirov adına Azərbaycan Dövlət Universitetin filologiya fakültəsində baş laborant vəzifəsində işləyib.

1995 – 2011-ci illərdə Bakı Dövlət Universitetin Azərbaycan ədəbiyyatı tarixi kafedrasında işləyib; o cümlədən, həmin kafedrada

1995-ci ildən dosent,

2000-ci ildən kafedranın müdiri,

2006-cı ildə professor əvəzi vəzifəsini tutub.

Elmi fəaliyyəti

1988-ci ildə “XX əsrin satirik nəsrində tipikləşdirmə” mövzusunda namizədlik dissertasiyasını,

2004-cü ildə “XX əsr Azərbaycan ədəbiyyatında bədii tip problemi” mövzusunda doktorluq dissertasiyasını müdafiə edib.

2005-ci ildə filologiya elmləri doktoru elmi dərəcəsini,

2011-ci ildə isə professor elmi adını alıb.

Digər

1998-ci ildən Azərbaycan Yazıçılar Birliyinin üzvü olub.

Vəfatı

6 May 2011-ci il tarixdə – 56 yaşında, uzun sürən xəstəlikdən sonra vəfat edib.

Ədəbiyyat

1. Məmmədov Ə., Xalıqov F. Babazadə Baba // Şəki: Alim və ziyalılar. — Bakı. — 2 cilddə. — Səh.: Babayev Baba Hüseynəli oğlu.