Ceyran Mahmudova

Ceyran Mahmudova
Mahmudova Ceyran Emin qızı (Sabitoğlu)
Ceyran Mahmudova, 2019-cu il
Şəxsi məlumatlar
Doğum tarixi	19 iyul 1964 (1964-07-19)
Doğum yeri	Bakı, Azərbaycan SSR, SSRİ
Atası	Emin Sabitoğlu
Təhsili	Ü.Hacıbəyov adına Azərbaycan Dövlət Konservatoriyasının tarixi-nəzəriyyə fakültəsi (1982 – 1987) Azərbaycan SSR Elmlər Akademiyası Memarlıq və İncəsənət İnstitutunun aspiranturası (1987 – 1990)
Mükafatları

Ceyran Mahmudova (Mahmudova Ceyran Emin qızı (Sabitoğlu); d. 19 iyul 1964-cü ildə, Bakı, Azərbaycan SSR, SSRİ) — musiqişünas alim, sənətşünaslıq elmləri doktoru (2013,) professor (2017), Azərbaycan Bəstəkarlar İttifaqının (1996) və ittifaqın idarə heyətinin üzvü, Azərbaycan Dövlət Mədəniyyət və İncəsənət Universitetinin rektoru (2018-ci ildən). Bəstəkar Emin Sabitoğlunun qızı, görkəmli Azərbaycan sovet yazıçısı, dramaturq və ssenaristi Sabit Rəhmanın nəvəsidir.

Haqqında məlumatlar

19 iyul 1964-cü il tarixində Bakıda anadan olub.

Təhsili

1971 – 1982-ci illərdə Bülbül adına orta ixtisas musiqi məktəbinin fortopiano sinfində,

1982 – 1987-ci illərdə Ü.Hacıbəyov adına Azərbaycan Dövlət Konservatoriyasının tarixi-nəzəriyyə fakültəsində,

1987 – 1990-cı illərdə Azərbaycan SSR Elmlər Akademiyası Memarlıq və İncəsənət İnstitutunun aspiranturasında təhsil alıb.

İş yerləri

1990 – 1996-cı illərdə Azərbaycan Milli Elmlər Akademiyasının Memarlıq və İncəsənət İnstitutunda kiçik elmi işçi, elmi işçi, baş elmi işçi,

1991 – 2017-ci illərdə Ü.Hacıbəyli adına Bakı Musiqi Akademiyasında əvvəl müəllim, sonra dosent, daha sonra professor,

2017 – 2018-ci illərdə Azərbaycan Dövlət Mədəniyyət və İncəsənət Universitetinin “Musiqi sənəti” fakültəsinin dekanı vəzifəsində çalışıb.

30 iyul 2018-ci il tarixindən Azərbaycan Dövlət Mədəniyyət və İncəsənət Universitetinin rektoru təyin edilib.

Elmi fəaliyyəti

1994-cü ildə “Azərbaycan təsniflərinin problemləri” adlı mövzuda namizədlik,

2012-ci ildə “Azərbaycan bəstəkarlarının mahnılarında poeziya ilə musiqinin qarşılıqlı əlaqələri” adlı mövzuda doktorluq dissertasiyası müdafiə edib.

2003-cü ildə dosent,

2017-ci ildə professor elmi adını alıb.

3 monoqrafiya, 3 dərs vəsaiti, 50-dən çox elmi, 40-dan artıq elmi-publisistik məqalənin, fənn proqramlarının və metodik göstərişlərin müəllifidir. Respublika və beynəlxalq miqyaslı bir sıra elmi konfrans və simpoziumlarda iştirak edib.

Digər

2010-cu ildən Ali Attestasiya Komissiyasının sənətşünaslıq və memarlıq üzrə ekspert şurasının üzvüdür.

Azərbaycan Bəstəkarlar İttifaqının idarə heyətinin üzvüdür.

2010 – 2014-cü illərdə Azərbaycan Televiziyası və “Mədəniyyət” kanalında “Musiqi xəzinəsi” verilişinin ssenari müəllifi və aparıcısı olub.

Ailəsi

• Bəstəkar Emin Sabitoğlunun qızı, görkəmli dramaturq Sabit Rəhmanın

FTəltifləri

• “Azərbaycan Xalq Cümhuriyyətinin 100 illiyi (1918-2018)” yubiley medalı.

Filmoqrafiya

1. Gün keçdi (film, 2012).

Ədəbiyyat

• "MAHMUDOVA CEYRAN EMİN QIZI (CEYRAN SABİTOĞLU)". musigi-dunya.az (azərb.). musigi-dunya.az. 10 May 2009 – 2 Dec 2019 tarixində arxivləşdirilib .
• MAHMUDOVA CEYRAN EMİN QIZI (SABİTOĞLU) // Məlumat kitabçası (2013 – 2019) / Azərbaycan Bəstəkarlar İttifaqı. — Azərbaycan Respublikası Mədəniyyət Nazirliyi. — Bakı, 2019. — Səh.: 164 – 165. — 200 nüsx. — ISBN 978-9952-440-31-6.
• "REKTOR". admiu.edu.az (azərb.). admiu.edu.az. 15 Dec 2013 – 3 Mar 2020 tarixində arxivləşdirilib.
• Məmmədov Ə., Xalıqov F. Mahmudova Ceyran // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 251. — 600 nüsx. — ISBN 5-8066-1708-4.