Elçin Nəbiyev

Elçin Nəbiyev
Nəbiyev Elçin Fikrət oğlu
Elçin Nəbiyev.
Doğum tarixi	10 dekabr 1967(1967-12-10)
Doğum yeri	Xalatala kəndi, Balakən rayonu, Azərbaycan, SSRİ
Vəfat tarixi	30 noyabr 2021 (53 yaşında)
Vəfat yeri	Qaraheybət Aviasiya Poliqonu, Xızı rayonu, Azərbaycan
Dəfn yeri	II Şəhidlər Xiyabanı, Bakı, Azərbaycan
Vəfat səbəbi	aviasiya qəzası
Vətəndaşlıq	Azərbaycan
Mənsubiyyəti	Azərbaycan Ordusu
Uşaqları	Hüseyn, Niyazi
Atası	Fikrət
Anası	Bahar
Həyat yoldaşı	Şəlalə
Təhsili	Aviasiya marşalı V.A.Sudsa adına Stavrapol Pilot və Şturman Ali Hərbi-Aviasiya Məktəbi(ru) (1986–1990)
Hərbi fəaliyyəti
Rütbə	polkovnik
Təltifləri

Elçin Nəbiyev (1967–2021) — Azərbaycan Silahlı Qüvvələrinin ehtiyatda olan polkovniki, Azərbaycan Respublikasının Dövlət Sərhəd Xidmətinin əməkdaşı.

Haqqında məlumatlar

10 dekabr 1967-ci il tarixdə Balakən rayonunun Xalatala kəndində, ziyalı ailəsində anadan olub.

Təhsili

1986 – 1990-cı illərdə Aviasiya marşalı V.A.Sudsa adına Stavrapol Pilot və Şturman Ali Hərbi-Aviasiya Məktəbində^(ru) (rus.: Ставропольское высшее военно-авиационное училище лётчиков и штурманов имени маршала авиации В. А. Судца) taktiki aviasiya sturmanı (rus.: штурманская тактическая авиации) ixtisası üzrə təhsil alıb.

Hərbçi fəaliyyəti

Sovet vaxtı Rusiyanın MİQ-31 qırıcı təyyarəsində uçuşlar həyata keçirib. I Qarabağ müharibəsində ön cəbhədə düşmənin koordinatlarını, atəş nöqtələrini artilleriya və aviasiyaya ötürüb. Vətən Müharibəsində isə uğurlu əməliyyatların tərtibində müəlliflərdən biri, ön cəbhədə məxfi qərargahda birbaşa iştirakı olan şəxslərdən biri olub.

Vəfatı

30 noyabr 2021-ci il tarixdə Xızı rayonundakı Qaraheybət Aviasiya Poliqonunda Azərbaycan Respublikası Dövlət Sərhəd Xidmətinin helikopteri ilə təlim uçuşlarında iştirak edərkən baş vermiş qəza nəticəsində həlak olmuşdur.

1 dekabr 2021-ci il tarixdə Bakıda II Şəhidlər Xiyabanında dəfn edilib.

Təltif və mükafatları

• “Tərəqqi” medalı;
• “Hərbi xidmətlərə görə” medalı;
• III dərəcəli “Hərbi xidmətdə fərqlənməyə görə” medalı;
• “Azərbaycan Respublikası Silahlı Qüvvələri Veteranı” medalı;
• “Azərbaycan Respublikası Silahlı Qüvvələrinin 10 illiyi (1991-2001)” yubiley medalı;
• “Azərbaycan Respublikası Silahlı Qüvvələrinin 90 illiyi (1918-2008)” yubiley medalı;
• II dərəcəli “Qüsursuz xidmətə görə” medalı;
• III dərəcəli “Qüsursuz xidmətə görə” medalı;
• “Azərbaycan Respublikası Silahlı Qüvvələrinin 95 illiyi (1918-2013)” yubiley medalı.

Ailəsi

Atası Fikrət Şəki rayonunun Baş Göynük kəndindən, anası Bahar isə Gəncədən idi. Hər ikisi Gəncə Pedaqoji İnstitutunu bitirmiş, təyinatla Balakən rayonunun Xalatala kəndinə işləməyə göndərilmiş və ömürlərinin sonunadək həmin kənddə yaşamışdılar.

Elçin Nəbiyevin Hüseyn və Niyazi adlı iki oğlu var, həyat yoldaşı Şəlalə isə tanınmış rəhbər kadr Vahid Qəniyevin qızıdır.

Ədəbiyyat

1. Aytəkin Alxaslı. “Qaraheybət” şəhidi polkovnik Nəbiyev oğluna nə vəsiyyət edib? – “Əgər bir gün qayıtmasam...” : [arx. 02.12.2021] // Bizim.media. — 2021. — 2 dekabr. — Müraciət tarixi: 06.12.2021.