Eldar Əfəndiyev

Eldar Əfəndiyev
Əfəndiyev Eldar Faiq oğlu
Eldar Əfəndiyev.
Estoniya Respublikasının milli münasibətlər və məskunlaşma naziri 2002 — 2003
Şəxsi məlumatlar
Doğum tarixi	29 iyul 1954 (1954-07-29)
Doğum yeri	Tallin, Estoniya SSR, SSRİ
Atası	Faiq Əfəndiyev
Anası	Aino Kikerist
Təhsili	• V.İ.Lenin adına Azərbaycan Pedaqoji İnstitutu, tarix fakültəsi (1972–1974)  • A.İ.Herzen adına Leninqrad Dövlət Pedaqoji İnstitutu (1974–1976)
Təltifləri

Eldar Əfəndiyev — Estoniya Respublikasının sabiq milli münasibətlər və məskunlaşma naziri, Narva şəhərinin (Estoniya) sabiq meri, Narva Pəhklimə Gimnaziyasının tarix müəllimi.

Haqqında məlumatlar

29 iyun 1954-cu il tarixdə Tallində – azərbaycanlı-eston ailəsində anadan olub. Atası Faiq Əfəndiyev Şəki şəhərindən idi.

Təhsili

1972 – 1974-cü illərdə V.İ.lenin adına Azərbaycan Pedaqoji İnstitutunun tarix fakültəsində

1974 – 1976-cı illərdə isə A.İ.Herzen adına Leninqrad Dövlət Pedaqoji İnstitutunda təhsil alıb.

Əmək fəaliyyəti

1971 — 1972-ci illərdə Narva şəhərindəki “Balties” zavodunda tokar işləyib.

1976-cı ildən Narva Dövlət Muzeyində işləyib; o cümlədən,

1979 – 1999 və 2001 – 2002-ci illərdə muzeyin direktoru olub.

1999 – 2000-ci illərdə Narva şəhərinin meri,

2002 – 2003-cü illərdə Estoniyanın milli münasibətlər və məskunlaşma naziri vəzifəsində çalışıb.

2015-ci ildən Narva Pəhklimə Gimnaziyasının tarix müəllimidir.

İctimai-siyasi aktivliyi

1997-ci ildə Estoniyada aparıcı partiyalardan biri olan Mərkəzçilərə üzv olub. Eyni zamanda, həmin illərdə İda-Virumaa vilayətinin yerli özünüidarəetmə birliyinin sədr müavini vəzifəsində işləyib.

Narva şəhər şurasının müşaviri (1996–1999), Estoniya parlamentinin X və XI çağırışlarının deputatı və Estoniya–Azərbaycan parlamentlərarası işçi qrupunun rəhbəri olub.

Təltif və mükafatları

• Narva qalasında muzey layihəsinə görə müəlliflik mükafatı (1986);
• Estoniya Mədəniyyət Fondunun birinci mükafatı (1987);
• 3-cü dərəcəli Xaç (Estoniya) – sərhədyanı əməkdaşlıqda xidmətlərinə görə;
• 4-cü dərəcəli “Dövlət gerbi” ordeni (Estoniya) (2006);
• “Tərəqqi” medalı (Azərbaycan) (2006);
• “Dostluq” ordeni (Azərbaycan) (2011).

Ədəbiyyat

1. Xarici ölkələrdə fəaliyyət göstərən azərbaycanlı alimlər : Əfəndiyev Eldar Faiq oğlu : [arx. 07.12.2021] // “Azərbaycan alimləri diasporu” informasiya sistemi. — Müraciət tarixi: 07.12.2021.
2. Rəğbətoğlu M. Estoniyada nazir təyin edilən azərbaycanlı: Eldar Əfəndiyev kimdir? : [arx. 07.12.2021] // Teleqraf.com. — 2021. — 7 dekabr. — Müraciət tarixi: 07.12.2021.