Elman Mustafayev (kitab satıcısı)
| Elman Mustafayev | |
|---|---|
| Mustafayev Elman Soltan oğlu | |
.jpg) | |
| Elman Mustafayev, 2017-ci il. | |
| Doğum tarixi | 4 yanvar 1940 |
| Doğum yeri |
Nuxa, Nuxa rayonu, .svg){kind=small} Azərbaycan SSR,  SSRİ |
| Vəfat tarixi | 11 fevral 2019 (79 yaşında) |
| Vəfat yeri |
Bakı,  Azərbaycan |
| Milliyyəti | azərbaycanlı |
| İxtisası | kitab-əmtəəşünaslıq və biblioqrafiya |
| Təhsili |
Bakı Ticarət-Kulinar Şagirdliyi Məktəbi (1957 – 1959) S.M.Kirov adına Azərbaycan Dövlət Universiteti, kitabxanaçılıq fakültəsi (axşam şöbəsi, 1965 – 1970) |
| Fəaliyyəti | kitab satıcısı |
Elman Mustafayev (1940 – 2019) – Bakının məşhur kitab satıcısı; 50 ildən artıq bir müddətdə kitab satışı ilə məşğul olmuşdur.
Haqqında məlumatlar
4 yanvar 1940-cı il tarixdə Nuxada anadan olub.
Təhsili
1947 – 1957-ci illərdə Nuxa şəhər 5 №-li orta məktəbində,
1957 – 1959-cu illərdə Bakı Ticarət-Kulinar Şagirdliyi Məktəbində,
1965 – 1970-ci illərdə isə S.M.Kirov adına Azərbaycan Dövlət Universitetinin kitabxanaçılıq fakültəsində (axşam şöbəsi) təhsil alıb.
Əmək fəaliyyəti
1960-cı illərin əvvəllərində bir müddət Nuxada restoran müdiri işləyib.
1967 – 1980-ci illərdə Bakıda Fəvvarələr meydanının yanında Tədris Pedaqoji Kitab Mağazasının[q 1],
1980 – 1985-ci illərdə isə Bakıdakı ilk Kitab evinin direktoru olub.
Kitab evinin direktoru olduğu müddətdə xarici ölkələrdə keçirilmiş beynəlxalq səviyyəli kitab sərgilərində Azərbaycanı təmsil edib.
1985-ci ildən həyatının sonuna qədər İçəri Şəhərdə Qız qalasının yaxınlığında yerləşən kitab mağazasının – “İçəri Şəhər Kitab Evi”nin direktoru vəzifəsində çalışıb.
2005-ci ildə işlədiyi mağazanı özəlləşdirib və əvvəlki təyinatı üzrə istifadə edib.
Publisistik fəaliyyəti
2013-cü ildə “Kitab əhlinin sərrafı oldum” kitabı “Elm” nəşriyyatında çap olunub. Kitabda həyatla bağlı fikirləri, düşüncələri, tanınmış şəxsiyyətlər və baməzə adamlarla bağlı xatirələri, o cümlədən mətbuatda onun haqqında çap olunmuş yazılar yer alıb.
Video
Vəfatı
11 fevral 2019-cu il tarixdə – 79 yaşında, Bakıda vəfat edib. 2 gün sonra – 13 fevralda, Azərbaycanın aparıcı xəbər saytlarında “Bakının ən məşhur kitabçısı vəfat edib” başlığı altında onun vəfatı xəbəri yayılıb[1].
Qeydlər
- ↑ İndi həmin yerdə Prezident Kitabxanası yerləşir.
İstinadlar
- ↑ A.Qorxmaz (13.02.2019). "Bakının ən məşhur kitabçısı vəfat edib". https://modern.az/ (azərb.). modern.az. 14 Feb 2019 - 5 Aug 2020 tarixində arxivləşdirilib.
Ədəbiyyat
- Məhəmməd Türkmən. "Kitabsevən gənclərin Elman dayısı - 30 ilin kitab aşiqi". https://musavat.com/ (azərb.). "Yeni Müsavat" qəzeti. 17 Jun 2017 tarixində arxivləşdirilib.
- A.Qorxmaz (13.02.2019). "Bakının ən məşhur kitabçısı vəfat edib". https://modern.az/ (azərb.). modern.az. 14 Feb 2019 - 5 Aug 2020 tarixində arxivləşdirilib.
 |