Elnur İsgəndərov

Elnur İsgəndərov
İsgəndərov Elnur İsgəndər oğlu
Elnur İsgəndərov, 2015-ci il.

Elnur İsgəndərov (1989–2016) — 2016-cı il Aprel döyüşləri şəhidi, Azərbaycan Silahlı Qüvvələrinin baş leytenantı. Ölümündən sonra “Vətən uğrunda” medalına layiq görülüb; 21 may 2016-cı il tarixdə medal onun yeganə övladı olan 6 aylıq oğlu Elman İsgəndərovun sinəsindən asılıb.

Haqqında məlumatlar

Aprel döyüşlərində qəhrəmancasına həlak olmuş Elnur İsgəndərovun yeganə övladı olan 6 aylıq oğlu Elman İsgəndərova atasının medalı təqdim edilərkən, 21 may 2016-cı il.

1 iyun 1989-cu il tarixdə Şəkidə anadan olub.

Təhsili

2006 – 2010-cu illərdə Heydər Əliyev adına Azərbaycan Ali Hərbi Məktəbində təhsil alıb.

Hərbçi fəaliyyəti

2010-cu ildən Azərbaycan Silahlı Qüvvələrinin “N” saylı hərbi hissəsinin xüsusi təyinatlılar bölməsində xidmətə başlayıb.

Şəhid olması

2016-cı ildə baş vermiş Aprel döyüşlərində – aprelin 2-də, döyüş tapşırığını yerinə yetirərkən 26 yaşında qəhrəmancasına həlak olub.

Aprelin 11-də Şəkidə Dovşan düzü qəbiristanlığında dəfn edilib.

Təltif və mükafatları

• “Azərbaycan Silahlı Qüvvələrinin 95 illiyi (1918-2013)” yubiley medalı (2013);
• “Vətən uğrunda” medalı (2016).