Emin Şəkinski

Emin Şəkinski (1960–2020) — polis general-mayoru, Azərbaycan Respublikası Daxili İşlər Nazirliyi Nəqliyyatda Baş Polis İdarəsinin rəisi.

Emin Şəkinski
Şəkinski Emin Əkrəm oğlu
Emin Şəkinski.
Doğum tarixi	6 noyabr 1960(1960-11-06)
Doğum yeri	Bakı, Azərbaycan SSR, SSRİ
Vəfat tarixi	20 oktyabr 2020 (60 yaşında)
Vəfat yeri	Bakı, Azərbaycan
Atası	Əkrəm Şəkinski
Anası	Fərəh Şəkinskaya
Təhsili	• S.M.Kirov adına Azərbaycan Dövlət Universiteti, tarix fakültəsi (–1982)  • M.Ə.Rəsulzadə adına Azərbaycan Dövlət Universiteti, hüquq fakültəsi (–1993)
Hərbi fəaliyyəti
Rütbə	General-mayor
Vəzifəsi	Azərbaycan Respublikası Daxili İşlər Nazirliyi Nəqliyyatda Baş Polis İdarəsi (rəis)
Təltifləri

Haqqında məlumatlar

6 oktyabr 1960-cı il tarixdə Bakıda anadan olub.

Təhsili

1982-ci ildə S.M.Kirov adına Azərbaycan Dövlət Universitetinin tarix fakültəsini,

1993-cü ildə M.Ə.Rəsulzadə adına Azərbaycan Dövlət Universitetinin hüquq fakültəsini bitirib.

Əmək fəaliyyəti

1985-ci ildən Azərbaycan SSR daxili işlər orqanlarında xidməti fəaliyyətə başlayıb. Müxtəlif illərdə, əvvəl Bakı Şəhər Baş Polis İdarəsi Cinayət Axtarış İdarəsində şöbə rəisi, sonra Yasamal Rayon Polis İdarəsi 26-cı polis bölməsinin rəisi, daha sonra Xətai Rayon Polis İdarəsinin rəis müavini vəzifəsində işləyib.

2004-cü ilin avqust ayında Azərbaycan Respublikası Daxili İşlər Nazirliyi Daxili Təhlükəsizlik İdarəsinin rəisi,

2005-ci ilin aprel ayında Azərbaycan Respublikası Daxili İşlər Nazirliyi Baş Cinayət Axtarış İdarəsinin rəisi,

2016-cı ildə Azərbaycan Respublikası Daxili İşlər Nazirliyi Nəqliyyatda Baş Polis İdarəsinin rəisi vəzifəsinə təyin edilib.

Təltif və mükafatları

• “Azərbaycan Bayrağı” ordeni (2005).

Vəfatı

20 oktyabr 2020-ci il tarixdə – 60 yaşında, uzun sürən xəstəlikdən sonra vəfat edib.

Ailəsi

• Atası: Əkrəm Şəkinski (1929 – 1998), mühəndis-geoloq və dövlət xadimi olub, 1991 – 1998-ci illərdə Azərbaycan Respublikası Geologiya və Mineral Ehtiyatlar Komitəsinin sədri və s. məsul vəzifələrdə çalışıb.
• Anası: Fərəh Şəkinskaya (1929 – 2016), dövlət və mədəniyyət xadimi, Azərbaycan Respublikasının əməkdar mədəniyyət işçisi olub, 1989 – 1993-cü illərdə Azərbaycan SSR/Azərbaycan Respublikası mədəniyyət nazirinin müavini vəzifəsində çalışıb.
• Oğlu:, öz sağlığında yol qəzasında həlak olub.

Ədəbiyyat

1. General Emin Şəkinski vəfat etdi : [arx. 03.12.2020] // Sputnik.az. — 2020. — 21 oktyabr. — Müraciət tarixi: 05.10.2021.