Fərrux Yusifov

Fərrux Yusifov
Yusifov Fərrux Oruc oğlu
Fərrux Yusifov, 1967-ci il
Doğum tarixi	17 aprel 1916(1916-04-17)
Doğum yeri	Kiş, Nuxa, Nuxa qəzası, Yelizavetpol quberniyası, Rusiya İmperiyası
Vəfat tarixi	3 iyul 1976 (60 yaşında)
Vəfat yeri	Bakı, Azərbaycan SSR, SSRİ
Vətəndaşlıq	SSRİ
İş yeri	SSRİ-nin 50 illiyi adına Azərbaycan Dövlət Pedaqoji Xarici Dillər İnstitutunun elmi kommunizm kafedrasının müdiri (1971 – 1976)
Elmi dərəcəsi	elmlər doktoru
Təhsili	Nuxa Pedaqoji Texnikumu; Sov.İKP MK yanında İctimai Elmlər Akademiyası
Mükafatları

Fərrux Yusifov (Yusifov Fərrux Oruc oğlu; d. 17 aprel 1916-cı ildə, Nuxa, Nuxa qəzası, Yelizavetpol quberniyası, Rusiya İmperiyası – ö. 3 iyul 1976-cı ildə, Bakı, Azərbaycan SSR, SSRİ) — Azərbaycan sovet partiya, dövlət, elm və təhsil xadimi, pedaqoq, elmlər doktoru. Azərbaycan KP MK Nuxa şəhər komitəsinin birinci katibi, Azərbaycan SSR Mədəniyyət nazirinin müavini və s. vəzifələrdə çalışmışdır, vəfat edərkən isə SSRİ-nin 50 illiyi adına Azərbaycan Dövlət Pedaqoji Xarici Dillər İnstitutunun elmi kommunizm kafedrasının müdiri idi.

Haqqında məlumatlar

1916-cı ildə Nuxa qəzasının Kiş kəndində anadan olub.

Təhsili

Əvvəl pedaqoji orta (1940-ci ildən əvvəl), Böyük Vətən müharibəsindən sonra (1945) isə ali təhsil alıb, həmçinin Sov.İKP MK yanında İctimai Elmlər Akademiyasını bitirib.

İş yerləri

1940-cı ilədək kənd məktəblərində müəllim, dərs hissə müdiri, direktor vəzifələrində işləyib.

1950 – 1969-cu illərdə Azərbaycan KP MK-da instruktor, Azərbaycan KP Zaqatala rayon komitəsinin katibi, Azərbaycan SSR Mədəniyyət nazirinin müavini, Azərbaycan KP MK Nuxa şəhər komitəsinin birinci katibi, Azərbaycan SSR Ali və Orta ixtisas Təhsili Nazirliyi idarəsinin rəhbəri, Mirzağa Əliyev adına Azərbaycan Dövlət Teatr İnstitutunda mənəni-maarif kafedrasının müdiri və s. vəzifələrdə çalışıb.

1969 – 1976-cı illərdə M.F.Axundov adına Rus Dili və Ədəbiyyatı İnstitutunda/SSRİ-nin 50 illiyi adına Azərbaycan Dövlət Pedaqoji Xarici Dillər İnstitutunda işləyib, 1971-ci ildən elmi kommunizim kafedrasının müdiri olub.

Elmi fəaliyyəti

Namizədlik və doktorluq dissertasiyaları müdafiə edib.

İctimai fəallığı

Azərbaycan SSR Ali Sovetinə deputat, Azərbaycan Kommunist Partiyasının XXII və XXIII qurultaylarına nümayəndə seçilib.

Hərbi xidmət

1940-cı ildə hərbi xidmətə gedib, Böyük Vətən müharibəsində (1941 – 1945) iştirak edib.

Mükafatları

• "Qırmızı Ulduz" ordeni, 2 dəfə;
• 1-ci dərəcəli "Vətən Müharibəsi" ordeni;
• döyüş medalları.

Xatirəsi

Şəki şəhərində bir küçəyə adı verilib.

Digər

• 

  “Nuxa fəhləsi”, 6 dekabr 1957-ci il, Fərrux Yusifov Nuxa şəhər partiya komitəsinin birinci katibi kimi təqdim edilir.

• 

  “Nuxa fəhləsi”, 16 fevral 1959-cu il, Fərrux Yusifov Nuxa şəhər partiya komitəsinin birinci katibi kimi təqdim edilir.

• 

  Fərrux Yusubovun ölümü ilə bağlı nekroloq.