Fikrət Məmmədov

Fikrət Məmmədov
Məmmədov Fikrət Fərrux oğlu
Fayl:Fikrət Mammadov.jpg
Fikrət Məmmədov, 2010-cu il
Azərbaycan Respublikasının Məhkəmə-Hüquq Şurasının sədri 2005
Azərbaycan Respublikası Ədliyyə Nazirliyi 19 aprel 2000
Sələfi	Südabə Həsənova
Azərbaycan Respublikasının baş prokurorunun müavini 1994 — 2000
Şəxsi məlumatlar
Doğum tarixi	1 iyul 1955 (1955-07-01)
Doğum yeri	Bakı, Azərbaycan SSR, SSRİ
Partiya	Bitərəf
Təltifləri	Şablon:"Vətənə xidmətə görə" ordeni
Commonsda da Fikrət Məmmədov ilə əlaqəli mediafayllar var

Fikrət Məmmədov (Məmmədov Fikrət Fərrux oğlu; d. 1 iyul 1955-ci ildə, Bakı, Azərbaycan SSR, SSRİ) – Azərbaycan Respublikasının ədliyyə naziri və Məhkəmə-Hüquq Şurasının sədri, I dərəcəli dövlət ədliyyə müşaviri, Azərbaycan Respublikasının əməkdar hüquqşünası.

Haqqında məlumatlar

1955-ci ildə Bakıda anadan olub.

Təhsili

1977-ci ildə M.V.Lomonosov adına Moskva Dövlət Universitetinin hüquq fakültəsini,

1988-ci ildə Bakı Azərbaycan KP MK yanında Ali Partiya Məktəbində bitirib.

İş yerləri

1977 – 1994-cü illərdə əvvəl rayon prokurorunun köməkçisi, sonra isə Bakı şəhər prokurorluğunda istintaq şöbəsinin prokuroru, respublika prokurorluğunda təşkilat-nəzarət şöbəsinin böyük prokuroru və rəisi, Azərbaycan KP MK inzibati orqanlar şöbəsində hüquq mühafizə orqanları ilə iş üzrə təlimatçı, Azərbaycan Respublikasının Baş Prokurorluğunda hüquqi təminat idarəsinin rəisi, Sumqayıt şəhər prokuroru vəzifələrində çalışıb.

1994 – 2000-ci illərdə Azərbaycan Respublikasının baş prokurorunun müavini olub.

2000-ci ilin aprel ayından Azərbaycan Respublikasının ədliyyə naziridir.

2005-ci ildən Azərbaycan Respublikasının Məhkəmə-Hüquq Şurasının sədridir.

Beynəlxalq təşkilatlarda üzvlüyü

Beynəlxalq Prokurorlar Assosiasiyasının senatoru və fəxri üzvü, Beynəlxalq Antikorrupsiya Orqanları Assosiasiyasının və BMT-nin Cinayətkarlığın qarşısının alınması və cinayət ədliyyəsi üzrə Konqresinin vitse-prezidentidir.

Təltifləri

• “Azərbaycan Respublikasının əməkdar hüquqşünası” fəxri adı (208);
• “Şöhrət” ordeni (2015);
• Azərbaycan Respublikası Prezidentinin fəxri diplomu (2015);
• 1-ci dərəcəli “Vətənə xidmətə görə” ordeni (2018);
• Azərbaycan Respublikasının, xarici dövlətlərin, beynəlxalq təşkilatların medalları və digər mükafatlar.

Ailəsi

Evlidir, 4 övladı var.

Azərbaycan Respublikasının prezidenti İlham Əliyevin xalası oğludur.

Atası Fərrux Məmməd oğlu Məmmədov, 1915-ci ildə Nuxa qəzasının Aşağı Layısqı kəndində anadan olmuş, 1997-ci ildə Bakıda vəfat etmişdir.

Oğlu: Fariz Məmmədov Azərbaycan Respublikası Vəkillər Kollegiyası Rəyasət Heyətinin üzvüdür. 1998 – 2002-ci illərdə Bakı Dövlət Universitetində hüquqşünaslıq ixtisası üzrə bakalavr, 2003 – 2005-ci illərdə isə mülki hüquq üzrə magistr təhsili alıb. Daha sonra ali təhsilini xaricdə davam etdirib. 2005-ci ildə Sorbonn Universitetində (Fransa) hüquqşünaslıq ixtisası üzrə magistr təhsili alıb.

Ədəbiyyat

• Azərbaycan Respublikasının Ədliyyə Nazirliyi. "FİKRƏT FƏRRUX OĞLU MƏMMƏDOV". justice.gov.az (azərb.). justice.gov.az. 7 Apr 2019 - 17 Dec 2019 tarixində arxivləşdirilib.;
• Məmmədov Ə., Xalıqov F. Məmmədov Fərrux Məmməd oğlu // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 271 – 274. — 600 nüsx. — ISBN 5-8066-1708-4..