Firədun İbrahimov

Firədun İbrahimov
İbrahimov Firədun Nadir oğlu
Firədun İbrahimov.
Doğum tarixi	5 fevral 1952 (1952-02-05)
Doğum yeri	Qudula, Nuxa rayonu, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	geologiya
İş yeri	Azərbaycan Dövlət Pedaqoji Universitetinin Şəki filialı, kafedra müdiri.
Elmi dərəcəsi	pedaqoji elmlər doktoru
Elmi adı	professor
Təhsili	• V.İ.Lenin adına Azərbaycan Pedaqoji İnstitutu (–1972)  • aspirantura (–1982)
Mükafatları

Firədun İbrahimov — pedaqoji elmləri doktoru, professor, Azərbaycan Respublikasının əməkdar müəllimi, Azərbaycan Dövlət Pedaqoji Universitetinin Şəki filialının kafedra müdiri, AMEA Şəki Regional Elmi Mərkəzinin aparıcı elmi işçisi.

Haqqında məlumatlar

5 fevral 1952-ci il tarixdə Nuxa (indiki Şəki) rayonunun Qudula kəndində anadan olub.

Təhsili

1968-ci ildə Nuxa şəhər M.Füzuli adına 3 №-li orta məktəbini,

1972-ci ildə isə V.İ.Lenin adına Azərbaycan Pedaqoji İnstitutunu,

1982-ci ildə aspiranturanı bitirib.

Əmək fəaliyyəti

1972 – 1973-cü illərdə Təpəcənnət kənd məktəbində müəllim,

1973 – 1982-ci illərdə Baltalı kənd məktəbində müəllim və direktor,

1983 – 2000-ci illərdə Pedaqoji Kadrların İxtisasının Artırılması və Yenidən Hazırlanması İnstitutunun Şəki filialında direktor,

2000 – 2005-ci illərdə Şəki şəhər İcra hakimiyyəti aparatında şöbə müdiri,

2005 – 2012-ci illərdə Şəki Şəhər Təhsil Şöbəsinin müdiri vəzifəsində işləyib.

2012-ci ildən Azərbaycan Dövlət Pedaqoji Universitetinin Şəki filialında kafedra müdiridir.

İkinci iş yerləri

AMEA Şəki Regional Elmi Mərkəzinin aparıcı elmi işçisidir.

Elmi fəaliyyəti

1982-ci ildə “Riyaziyyatın tədrisi prosesində şagirdlərin fəza təsəvvürlərinin formalaşdırılması problemi” mövzusunda namizədlik dissertasiyasını,

2006-cı ildə isə “Təlim prosesində alqoritmik və evristik fəaliyyətlərin optimal münasibətlərinin əsasları” mövzusunda doktorluq dissertasiyasını müdafiə edib.

144 elmi məqalənin müəllifidir. O cümlədən, 15 məqaləsi xarici elmi nəşrlərdə çap olunub.

Təltif və mükafatları

• “Qabaqcıl maarif xadimi” döş nişanı.
• “Azərbaycan Respublikasının əməkdar müəllimi” fəxri adı.

Ədəbiyyat

1. Məmmədov Ə., Xalıqov F. İbrahimov Firədun // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 195-197. — 600 nüsx. — ISBN 5-8066-1708-4.
2. "Şəki REM-in elmlər doktorları/İbrahimov Firədun Nadir oğlu". http://www.science.gov.az (azərb.). Azərbaycan Milli Elmlər Akademiyası. 15 Jul 2017 – 21 Jul 2020 tarixində arxivləşdirilib.