Fərəh Əliyeva

Fərəh Əliyeva
Əliyeva Fərəh Şirməmməd qızı
Fərəh Əliyeva.
Doğum tarixi	7 sentyabr 1961 (1961-09-07)
Doğum yeri	Bakı
Vətəndaşlıq	SSRİ→ Azərbaycan
Elm sahəsi	sənətşünaslıq
İş yeri	Azərbaycan Respublikası Prezident Administrasiyası, humanitar siyasət məsələləri şöbəsi (müdir)
Elmi dərəcəsi	sənətşünaslıq üzrə elmlər doktoru
Elmi adı	professor
Təhsili	• Üzeyir Hacıbəyov adına Azərbaycan Dövlət Konservatoriyası, tarix-nəzəriyyə fakültəsi (–1984)  • Üzeyir Hacıbəyov adına Azərbaycan Dövlət Konservatoriyası, aspirantura (–1990)
Atası	Şirməmməd Hüseynov
Anası	Ülkər Hüseynova
Mükafatları

Fərəh Əliyeva — sənətşünaslıq elmləri doktoru, Azərbaycan Respublikasının əməkdar incəsənət xadimi, Azərbaycan Respublikası Prezident Administrasiyası humanitar siyasət məsələləri şöbəsinin müdiri.

Haqqında məlumatlar

7 sentyabr 1961-ci il tarixdə Bakıda anadan olub.

Təhsili

1979-cu ildə Bülbül adına orta ixtisas musiqi məktəbini (qızıl medalla),

1984-cü ildə isə Üzeyir Hacıbəyov adına Azərbaycan Dövlət Konservatoriyasının tarix-nəzəriyyə fakültəsi (fərqlənmə diplomu ilə),

1990-cı ildə Üzeyir Hacıbəyov adına Azərbaycan Dövlət Konservatoriyasının aspiranturasını bitirib.

Əmək fəaliyyəti

1984-cü ildən Azərbaycan Dövlət Konservatoriyasının musiqi tarixi kafedrasında işləyib.

1994 – 2006-cı illərdə Azərbaycan Dövlət Konservatoriyası/Bakı Musiqi Akademiyasında elmi katib,

2006 – 2014-cü illərdə Azərbaycan Respublikası Mədəniyyət və Turizm Nazirliyində əvvəl musiqi sektorunun, sonra isə incəsənət şöbəsinin müdiri,

2014 – 2018-ci illərdə isə Azərbaycan Dövlət Mədəniyyət və İncəsənət Universitetinin rektoru vəzifəsində çalışıb.

11 may 2018-ci il tarixdən Azərbaycan Respublikası Prezident Administrasiyası humanitar siyasət məsələləri şöbəsinin müdiridir.

Elmi fəaliyyəti

1994-cü ildə sənətşünaslıq elmləri namizədi elmi dərəcəsini,

2008-ci ildə sənətşünaslıq elmləri doktoru elmi dərəcəsini,

2005-ci ildə professor elmi adını alıb.

Azərbaycan musiqi tarixınə dair 3 monoqrafiyanın, 2 dərsliyin, 200-ə yaxın elmi və elmi-publisistik məqalənin müəllifidir.

Digər

Azərbaycan Bəstəkarlar İttifaqının üzvüdür, televiziya və radioda çoxsaylı verilişlərin aparıcısı, iştirakçısı olmuşdur.

Təltif və mükafatları

• Üzeyir Hacıbəyovun 110 illiyinə həsr olunmuş musiqişünasların I Respublika müsabiqəsinin laureatı (1994);
• “Humay” mükafatı (2003);
• Azərbaycan Respublikasının əməkdar incəsənət xadimi (2017);
• “Şöhrət” ordeni (2021).

Ədəbiyyat

1. Məmmədov Ə., Xalıqov F. Əliyeva Fərəh // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 100-101. — 600 nüsx. — ISBN 5-8066-1708-4.
2. "Rektor". http://admiu.edu.az (azərb.). Azərbaycan Dövlət Mədəniyyət və İncəsənət Universiteti. 15 Dec 2013 – 10 Jun 2021 tarixində arxivləşdirilib.