Gülçin Abdullayeva
| Gülçin Abdullayeva | |
|---|---|
| Abdullayeva Gülçin Gülhüseyn qızı | |
 | |
| Gülçin Abdullayeva. | |
| Doğum tarixi | 20 yanvar 1947 |
| Doğum yeri |
Bakı, .svg){kind=small} Azərbaycan SSR,  SSRİ |
| Vətəndaşlıq |
SSRİ→ Azərbaycan |
| İş yeri | AMEA İdarəetmə Sistemləri İnstitutu, 1.7 saylı İnformasiyanın intellektual emalı sistemləri laboratoriyası (laboratoriya rəhbəri) |
| Elmi dərəcəsi | riyaziyyat üzrə fəlsəfə doktoru |
| Elmi adı | dosent |
| Təhsili | S.M.Kirov adına Azərbaycan Dövlət Universiteti, mexanika-riyaziyyat fakültəsi (1965–1970) |
| Mükafatları |
 |
Gülçin Abdullayeva — riyaziyyat üzrə fəlsəfə doktoru, dosent, AMEA İdarəetmə Sistemləri İnstitutunun 1.7 saylı İnformasiyanın intellektual emalı sistemləri laboratoriyasının rəhbəri.
Haqında məlumatlar
20 yanvar 1947-ci il tarixdə Bakıda anadan olub.
Təhsili
1965 – 1970-ci illərdə S.M.Kirov adına Azərbaycan Dövlət Universitetinin mexanika-riyaziyyat fakültəsində təhsil alıb.
Əmək fəaliyyəti
1970-ci ildə Azərbaycan SSR EA Kibernetika İnstitutunda kiçik elmi işçi vəzifəsinə işə götürülüb.
1981-ci ildən başlayaraq həmin institutda baş elmi işçi, qrup rəhbəri, sektor rəhbəri, laboratoriya rəhbəri vəzifələrində çalışıb.
2001-ci ildən AMEA İdarəetmə Sistemləri İnstitutunun 1.7 saylı İnformasiyanın intellektual emalı sistemləri laboratoriyasının rəhbəridir.
İkinci iş yerləri
Azərbaycan Memarlıq və İnşaaat Universitetinin informasiya texnologiyaları və sistemləri kafedrasının dosentidir.
Elmi fəaliyyəti
1979-cu ildə “Sinqulyar inteqralların requlyarlaşdırılması” mövzusunda namizədlik dissertasiyasını müdafiə edib.
2000-ci ildə dosent elmi adını alıb.
Çapdan çıxmış 125 elmi əsərin müəllifidir (57-si xarici ölkədə və bunlardan da 38-i beynəlxalq bazalarda referatlaşdırılan və indeksləşdirilən jurnallarda çap olunmaqla). 6 fəlsəfə doktorunun elmi rəhbəri olub.
Təltif və mükafatları
“Tərəqqi” medalı (2005).
Ailəsi
Ailəlidir, iki oğlu var.
- Atası: Gülhüseyn Hüseyn oğlu Abdullayev, Azərbaycan Respublikasının Xalq yazıçısı (1923–2013).
- Anası: Məsudə Münvər qızı Xalıqov (1923–2012) Nuxada (indiki Şəki) anadan olub, atası Nuxa şəhərinin Dodu kəndindən, anası isə Nuxa qəzasının Oxud kəndindən idi.
Ədəbiyyat
- "İdarəetmə Sistemləri İnstitutu fəlsəfə doktorları/Abdullayeva Gülçin Gülhüseyn qızı". http://www.science.gov.az/ (azərb.). Azərbaycan Milli Elmlər Akademiyası. 18 Jun 2018 – 29 Nov 2020 tarixində arxivləşdirilib.
