Hüseyn Əbdürrəhimov

Hüseyn Əbdürrəhimov
	Əbdürrəhimov Hüseyn Yəhya oğlu
	Hüseyn Əbdürrəhimov.
Doğum tarixi	20 fevral 1912
Doğum yeri	Nuxa (İndiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	20 may 1966 (54 yaşında)
Vəfat yeri	Nuxa (İndiki Şəki), Azərbaycan SSR, SSRİ
Vətəndaşlıq	SSRİ
Mükafatları	;

Hüseyn Əbdürrəhimov (1912–1966) — sovet dövründə Nuxa rayonunda fəaliyyət göstərmiş tanınmış aqronom və rəhbər kadr. 1940-cı illərin ikinci yarısında Nuxa rayon kənd təsərrüfatı şöbəsinin müdiri vəzifəsində çalışarkən Nuxa rayonunda tütün tədarükü üzrə yüksək nailiyyətin əldə olunmasına görə “Sosialist Əməyi Qəhrəmanı” adını alıb. Bundan sonra bir müddət Nuxa rayon zəhmətkeş deputatları Soveti icraiyyə komitəsinin sədri olub və bir dəfə də Azərbaycan SSR Ali Sovetinin deputatı seçilib.

Haqqında məlumatlar[redaktə | HTML redaktə]

20 fevral 1912-ci il tarixdə Nuxada (indiki Şəki) anadan olub.

Təhsili[redaktə | HTML redaktə]

Nuxa nümunə zəhmət məktəbini və Azərbaycan Kənd Təsərrüfatı İnstitutunu bitirib.

Əmək fəaliyyəti[redaktə | HTML redaktə]

1934-cü ildən Nuxa rayonunda aqronom işləyib.

1947 – 1952-ci illərdə Nuxa rayon kənd təsərrüfatı şöbəsinin müdiri,

1953 – 1956-cı illərdə Nuxa rayon zəhmətkeş deputatları Soveti icraiyyə komitəsinin sədri olub.

1956-ci ildən sonra isə Nuxa rayonunda təsərrüfat sahəsi üzrə rəhbər vəzifələrdə çalışıb.

Təltif və mükafatları[redaktə | HTML redaktə]

“Sosialist Əməyi Qəhrəmanı” (1949);
Lenin ordeni (1949).

Digər[redaktə | HTML redaktə]

Azərbaycan SSR Ali Sovetinin V çağırış (1959–1962) deputatı olub.

Vəfatı[redaktə | HTML redaktə]

20 may 1966-cı il tarixdə – 54 yaşında, Nuxada (indiki Şəki) vəfat edib.

Ədəbiyyat[redaktə | HTML redaktə]

Əbdürrəhimov Hüseyn Yəhya oğlu // Azərbaycan Sovet Ensiklopediyası : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1980. — IV cild. — Səhifələrin sayı: 616. — Səh.: 127. — 80.000 nüsx.
Mete Ə. Əməyi ilə ucalanlar // O torpağın övladları. — Bakı: Nurlan, 2006. — Səhifələrin sayı: 608. — Səh.: 402. — 500 nüsx.
Məmmədov Ə., Xalıqov F. Əbdürrəhimov Hüseyn // Şəki: Alim və ziyalılar. — Bakı: “Elm”, 2007. — 2 cilddə. — II cild. — Səhifələrin sayı: 428. — Səh.: 76. — 600 nüsx. — ISBN 5-8066-1708-4.
Əbdürrəhimov Hüseyn Yəhya oğlu // Azərbaycan Milli Ensiklopediyası : ensiklopediya : [25 cilddə] (tiraj: 10 000; 600 s.). — Bakı: “Azərbaycan Milli Ensiklopediyası” Elmi Mərkəzi, 2018. —VIII c. — Səh. 178. — ISBN 978-9952-441-13-0.