Hüseyn Əkbərov

Hüseyn Əkbərov
Əkbərov Hüseyn Ələskər oğlu
Hüseyn Əkbərov.
Digər adı	Söyün dayı
Doğum tarixi	10 sentyabr 1913(1913-09-10)
Doğum yeri	Nuxa, Nuxa qəzası, Yelizavetpol quberniyası, Rusiya İmperiyası
Vəfat tarixi	11 fevral 1998 (84 yaşında)
Vəfat yeri	Şəki, Azərbaycan
Uşaqları	İntizar, Nigar, Tahir, Etibar
Təhsili	Azərbaycan Sənaye İnstitutu
Mükafatları

Hüseyn Əkbərov (1913–1998) — sovet dövründə Şəkidə tikinti sahəsi üzrə tanınmış mütəxəssis və rəhbər kadr olmuş şəxs, Azərbaycan SSR əməkdar inşaatçısı. Bir sıra məsul vəzifələr tutmuş, o cümlədən, bir müddət şəhər sovetinin sədri vəzəfəsində çalışmışdır.

Haqqında məlumatlar

10 sentyabr 1913-cü il tarixdə Nuxada (indiki Şəki) anadan olub.

Təhsili

Azərbaycan Sənaye İnstitutunu bitirib.

Hərbi xidmətdə

Hərbi sənədlərindəki gənclik şəkli.

20 iyul 1941-ci il tarixdə Nuxa Rayon Hərbi Komissarlığından hərbi xidmətə çağırılıb. Böyük Vətən müharibəsində zabit kimi iştirak edib və 4 orden, bir neçə medalla təltif olunub.

Əmək fəaliyyəti

1948-ci ildə Nuxa şəhər soveti sədrinin müavini seçilib.

25 noyabr 1954-cü il tarixdə Nuxa şəhər sovetinin sədri seçilib və 28 noyabr 1955-ci il tarixədək bu vəzifəni tutub.

1 dekabr 1955-ci il tarixdən 15 noyabr 1957-ci il tarixədək Nuxa şəhər partiya komitəsinin katibi vəzifəsində çalışıb.

1959-cu ildə Nuxadakı 5 nömrəli tikinti idarəsinin,

1963-cü ildə Nuxadakı 55 nömrəli tikinti idarəsinin,

1975-сi ildə isə V.İ.Lenin adına Şəki İpək İstehsalat Birliyinin təmir-tikinti şöbəsinin rəisi idi.

İctimai-siyasi aktivliyi

1948, 1951 və 1963-cü illərdə Nuxa şəhər sovetinə, 1957, 1959 və 1961-ci illərdə isə Nuxa rayon sovetinə deputat seçilib.

Təltif və mükafatları

• “Qırmızı Ulduz” ordeni (28.02.1943);
• II dərəcəli “Vətən müharibəsi” ordeni (26.05.1944);
• I dərəcəli “Vətən müharibəsi” ordeni (30.01.1945);
• I dərəcəli “Vətən müharibəsi” ordeni (28.09.1945);
• “Köniqsberqin alınmasına görə” medalı (09.06.1945);
• “1941–1945-ci illər Böyük Vətən müharibəsində Almaniya üzərində qələbəyə görə” medalı;
• “Yaponiya üzərində qələbəyə görə” medalı;
• “Qafqazın müdafiəsinə görə” medalı;
• “Azərbaycan SSR əməkdar inşaatçısı” fəxri adı;
• “Əmək igidliyinə görə” medalı (21.09.1966).

Vəfatı

11 fevral 1998-ci il tarixdə – 84 yaşında, Şəkidə vəfat edib.

Xatirəsi

Şəki şəhərində bir küçəyə adı verilib və həmin küçədə və yaşadığı evin qarşısında xatirə lövhəsi vurulub.

Digər

1975 – 1987-ci illərdə Şəki şəhər sovetinin sədri olmuş Ziya Əkbərovun böyük qardaşıdır. Digər qardaşı Nadir Əkbərov isə 1963-cü ildə Lenin adına ipək kombinatının baş mühəndisi idi. Daha sonra əmək fəaliyyətini Azərbaycan Politexnik İnstitutunda müəllim kimi davam etdirib.

Ədəbiyyat

1. Акперов... : [arx. 07.12.2022] : [rus.] // Память Народа. — Müraciət tarixi: 07.12.2022.
2. Акперов Гусейн Алиаскерович (Алескер-оглы) : [arx. 07.12.2022] : [rus.] // Память Народа. — Müraciət tarixi: 07.12.2022.
3. Əkbərov H. O günləri xatırlayarkən... = О ҝүнләри хатырлајаркән... // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1975. —15 aprel  c. — № 12 – 13 (1236–1237). — Səh. 2.

Həmçinin, bax:

• Nuxa rayon və şəhər sovetlərinin deputatları (1948)
• Nuxa rayon və şəhər sovetlərinin deputatları (1951)
• Nuxa rayon və şəhər sovetlərinin deputatları (1957)
• Nuxa rayon və şəhər sovetlərinin deputatları (1959)
• Nuxa rayon və şəhər sovetlərinin deputatları (1961)
• Nuxa şəhər və Vartaşen rayon sovetlərinin deputatları (1963)
• Şəki (Nuxa) rayon və şəhər Sovetlərinin sədr, sədr müavini və katiblərinin siyahısı