Hüseyn Mustafabəyli

Hüseyn Mustafabəyli
Mustafabəyli Hüseyn Lütvəli oğlu
Hüseyn Mustafabəyli, 2017-ci il.
Doğum tarixi	23 noyabr 1954 (1954-11-23)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
İş yeri	AMEA Şəki Regional Elmi Mərkəzi, landşaftşünaslıq şöbəsi (şöbə müdiri)
Elmi dərəcəsi	geologiya-mineralogiya elmləri namizədi
Təhsili	• S.M.Kirov adına Azərbaycan Dövlət Universiteti, geoloji-coğrafiya fakültəsi (1970–1975)  • Azərbaycan SSR EA Geologiya İnstitutu, aspirantura (1980–)
facebook səhifəsi

Hüseyn Mustafabəyli — geologiya-mineralogiya elmləri namizədi, AMEA Şəki Regional Elmi Mərkəzinin landşaftşünaslıq şöbəsinin müdiri; sabiq ictimai-siyasi fəal, Aərbaycan Xalq Cəbhəsi Şəki şöbəsinin sabiq sədri və Şəki şəhərinin sabiq icra hakimiyyəti başçısı; pedaqoji fəaliyyəti də var, Azərbaycan Dövlət Pedaqoji Universitetinin Şəki filialında dərs deyir.

Haqqında məlumatlar

23 noyabr 1954-cü il tarixdə Nuxada (indiki Şəki) anadan olub.

Təhsili

1960 – 1970-ci illərdə Nuxa şəhər 2 №-li orta məktəbində,

1970 – 1975-ci illərdə S.M.Kirov adına Azərbaycan Dövlət Universitetinin geoloji-coğrafiya fakültəsində təhsil alıb.

1980-ci ildə Azərbaycan SSR EA Geologiya İnstitutunun aspiranturasına qəbul olunub.

Əmək fəaliyyəti

1975 – 1976-cı illərdə Qazaxıstanın Çezkazçan vilayətində geoloji ekspedisiyada mühəndis-geoloq,

1976-cı ildən Azərbaycan SSR EA Şəki Zona Elmi Bazasında kiçik elmi işçi vəzifəsində işləyib.

1977 – 1979-cu illərdə SSRİ EA QEOXİ İnstitutunda 2 illik stajirovka keçib.

1986 – 1992-ci illərdə Şəki Geofizika observatoriyasının geokimya laboratoriyasında baş geokimyaçı,

1992 – 1993-cü illərdə Şəki şəhər İcra Hakimiyyətinin başçısı,

1993 – 1996-cı illərdə Şəki müəllimlərinin hazırlığı və bərpası institutunda təlimatçı vəzifəsində çalışıb.

1996-cı ildə AMEA-nın Şəki Regional Elmi Mərkəzinə baş elmi işçi və geokimya laboratoriyasının rəhbəri vəzifəsinə qəbul olunub.

İkinci iş yerləri

Azərbaycan Dövlət Pedaqoji Universitetinin Şəki filialında dərs deyir.

Elmi fəaliyyəti

1984-cü ildə “Şərqi Qafqazın aalen çöküntülərində indikator elementlərin paylanma qanunauyğunluqları onların axtarış və onların axtarış əhəmiyyəti” mövzusunda namizədlik dissertasiyasını müdafiə edib.

1-i xaricdə olmaqla çapdan çıxmış 31 elmi əsərin müəllifidir.

Müəlliflik şəhadətnamələrinin və patentlərin sayı 7-dir.

İctimai-siyasi aktivliyi

1986 – 1989-cu illərdə Şəki Ocaq Cəmiyyətində xalq folklorunun dərman bitkiləri və vasitələrinin təbliğinə aid bölməsində fəaliyyət göstərmiş,

1989 – 1992-ci illərdə Aərbaycan Xalq Cəbhəsinin Şəki şöbəsinin sədri olub.

Ədəbiyyat

1. Məmmədov Ə., Xalıqov F. Mustafabəyli Hüseyn // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 313-314. — 600 nüsx. — ISBN 5-8066-1708-4.
2. Şəki REM-in fəlsəfə doktorları : Mustafabəyli Hüseyn Lütvəli oğlu : [arx. 08.10.2021] // Azərbaycan Milli Elmlər Akademiyası. — Müraciət tarixi: 08.10.2021.