Həsən İsrafilov

Həsən İsrafilov
İsrafilov Həsən Abid oğlu
Həsən İsrafilov
Həsən İsrafilov, 2013-cü il
Doğum tarixi	20 aprel 1946 (1946-04-20)
Doğum yeri	Nuxa, Nuxa rayonu Azərbaycan SSR, SSRİ
Vətəndaşlıq	SSRİ→ Azərbaycan
Milliyyəti	azərbaycanlı
İş yeri	Azərbaycan Dövlət İqtisad Universiteti
Elmi dərəcəsi	iqtisad elmləri doktoru
Elmi adı	professor
Təhsili	Azərbaycan Xalq Təsərrüfatı İnstitutu (1966 – 1970) D.Bünyadzadə adına Azərbaycan Xalq Təsərrüfatı İnstitutu, ticarətin iqtisadiyyatı kafedrası, aspirantura (1975 – 1978)
Mükafatları
Şəxsi Facebook səhifəsi

Həsən İsrafilov (İsrafilov Həsən Abid oğlu d. 20 aprel 1946-cı ildə, Nuxa, Nuxa rayonu, Azərbaycan SSR, SSRİ) – iqtisad elmləri doktoru, professor, Azərbaycan Respublikasının əməkdar müəllimi.

Haqqında məlumatlar

20 aprel 1946-cı il tarixdə Nuxada anadan olub.

Təhsili

1953 – 1963-cü illərdə Nuxa şəhər Nizami adına 7 №-li orta məktəbdə oxuyub.

1970-ci ildə D.Bünyadzadə adına Azərbaycan Xalq Təsərrüfatı İnstitutunu,

1978-ci ildə isə həmin institutun aspiranturasını bitirib.

Əmək fəaliyyəti

1981 – 1987-ci illərdə D.Bünyadzadə adına Azərbaycan Xalq Təsərrüfatı İnstitutun ticarət-iqtisad kafedrasında müəllim, baş müəllim, dosent,

1987 – 1990-cı illərdə həmin institutun kommersiya və əmtəəşünaslıq fakültəsinin dekan əvəzi vəzifəsində çalışıb.

1996-cı ildən Azərbaycan Dövlət İqtisad Universitetin kommersiya və beynəlxalq iqtisadi münasibətlər fakültəsinin dekanı,

2001-ci ildən Təfəkkür Universitetinin prorektoru olub.

2005 – 2014-cü illərdə Azərbaycan Dövlət İqtisad Universitetində magistratura mərkəzinin direktoru vəzifəsində çalışıb.

Elmi fəaliyyəti

1981-ci ildə Kiyev Ticarət-iqtisad İnstitutunda “İnkişaf etmiş sosializm cəmiyyətində Azərbaycan SSR-də kənd ticarətinin inkişafının sosial-iqtisadi problemləri” adlı mövzuda namizədlik dissertasiyasını müdafiə edib.

1993-cü ildə dosent, elmi adını alıb.

2001-ci ildə professor elmi adını alıb.

2013-ci ildə Azərbaycan Dövlət İqtisad Universitetində doktorluq dissertasiyasını müdafiə edib.

100-dən çox elmi əsərin, o cümlədən monoqrafiya, dərslik, dərs vəsaiti, metodiki göstəriş və elmi məqalənin müəllifidir.

Mükafatları

1. “Vektor” Beynəlxalq Elm Mərkəzi Mükafat Komissiyasının “XXI əsrin tanınmış ziyalısı” beynəlxalq diplomu (2005).
2. 2006-cı ildə “Azərbaycan Respublikasının əməkdar müəllimi” fəxri adı (2006).
3. “Tərəqqi” medalı (2011).

İstifadə edilmiş mənbələr

• Məmmədov Ə., Xalıqov F. İsrafilov Həsən // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 299. — 1.000 nüsx.
• "i.e.n., dosent İsrafilov Həsən Abid oğlu". http://unec.edu.az/ (azərb.). unec.edu.az. 12 Sep 2016 – 14 Jan 2020 tarixində arxivləşdirilib.
• Hacızadə E. Əsil ziyalı və pedaqoq ömrü (azərb.) // Azərbaycan vergi jurnalı : jurnal. — 2016. — № 2(128). — Səh. 187.