Hacı İsmayıl Əhmədov

Hacı İsmayıl (1907–1986) — görkəmli din xadimi, Zaqafqaziya Müsəlmanları Ruhani İdarəsinin sədr müavini (müfti).

Hacı İsmayıl Əhmədov
Əhmədov Hacı İsmayıl Hacı Qədir oğlu
Fayl:Haci Ismayil3.jpg
Hacı İsmayıl Əhmədov.
Zaqafqaziya Müsəlmanları Ruhani İdarəsinin sədr müavini – müfti 1969 — 1986
Şəxsi məlumatlar
Doğum tarixi	1907(1907-Şablondakı doğum və ya ölüm tarixində texniki yanlışlıq var!-00)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	1986(1986-Şablondakı doğum və ya ölüm tarixində texniki yanlışlıq var!-00)
Vəfat yeri	Bakı, Azərbaycan SSR, SSRİ
Uşağı	Əhməd-Cabir Əhmədov Niyazi Əhmədov
Təhsili	Nuxa mədrəsəsi, 1923–1930
Təltifləri

Haqqında məlumatlar

1907-ci ildə Nuxada (indiki Şəki) anadan olub.

Təhsili

1915 − 1930-cu illərdə Nuxada əvvəl ibtidai məktəbdə (1818-ci ilədək), sonra orta məktəbdə, daha sonra mədrəsədə (1923 − 1930) təhsil alıb.

Böyük Vətən müharibəsində

23 iyun 1941-ci il tarixdə Nuxa Hərbi Komissarlığından orduya çağırılıb. Orduda sanitar-daşıyıcı olub və bütün müharibə boyu 2000 nəfərdan artıq yaralını döyüş meydanından çıxarıb. Bundan başqa, həm də bərbər kimi fəaliyyət göstərib. “Stalinqradın müdafiəsinə görə” medalı ilə və “Döyüş xidmətlərinə görə” medalı ilə təltif olunub.

Əmək fəaliyyəti

1945 – 1967-ci illərdə Nuxa şəhər məişət xidməti kombinatında bərbər işləyib.

1967 – 1969-cu Bakıdakı Əjdərbəy məscidində (Göy məscid) mollalıq edib.

1969 – 1986-ci illərdə Zaqafqaziya Müsəlmanları Ruhani İdarəsinin sədr müavini (müfti) vəzifəsində çalışıb.

Digər

1936-cı ildə ailə həyatı qurub.

1941 – 1945-ci illərdə Böyük Vətən müharibəsində iştirak edib, orden və medallarla təltif olunub.

1970 və 1973-cü illərdə Həcc ziyarətində olub.

Bir sıra xarici ölkələrə getmiş, bir çox ali müsəlman məclislərində və sülh konfranslarında iştirak etmişdir.

1932-ci ildə yazmış olduğu “Ramazan” adlı bir qəsidəsi ölümündən sonra çap olunub.

Təltif və mükafatları

• “Stalinqradın müdafiəsinə görə” medalı;
• “Döyüş xidmətlərinə görə” medalı (03.07.1945);
• “İgidliyə görə” medalı (SSRİ);
• “Əmək igidliyinə görə” medalı;
• [["Əməkdə fərqlənməyə görə" medalı|“Əməkdə fərqlənməyə görə” medalı];
• “1941 – 1945-ci illər Böyük Vətən müharibəsində Almaniya üzərində qələbəyə görə” medalı;
• “1941 – 1945-ci illər Böyük Vətən müharibəsində rəşadətli əməyə görə” medalı;
• “1941 – 1945-ci illər Böyük Vətən müharibəsində qələbənin 20 illiyi” yubiley medalı (1965);
• “1941 – 1945-ci illər Böyük Vətən müharibəsində qələbənin 30 illiyi” yubiley medalı (1975);
• “SSRİ Silahlı Qüvvələrinin 70 illiyi” yubiley medalı
• “1941 – 1945-ci illər Böyük Vətən müharibəsində qələbənin 40 illiyi” yubiley medalı (1985);
• SSRİ Müharibə Veteranları Komitəsinin və SSRİ Sülhün Qorunması Komitəsinin fəxri fərmanları, 1977-ci il;
• Azərbaycan SSR Ali Sovetinin Fəxri fərmanı – xalqlar arasında dostluq və sülhün bərqərar olmasında fəal iştirakına görə və anadan olmasının 70 illiyi münasibətilə ilə (1977);
• II dərəcəli “Vətən Müharibəsi” ordeni.

Ədəbiyyat

1. Ахмедов Исмаил Гаджикадар-оглы : Документы о награждении : [arx. 01.09.2021] : [rus.] // Память народа. — Müraciət tarixi: 01.09.2021.
2. Ахмедов Исмаил Гаджи Кадыр-оглы : Документы о награждении : [arx. 01.09.2021] : [rus.] // Память народа. — Müraciət tarixi: 01.09.2021.
3. Məmmədov Ə., Xalıqov F. Əhmədov Hacı İsmayıl Hacı Qədir oğlu // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 187-189. — 1.000 nüsx.
4. Elbrus Şahmar. Hacı İsmayıl Hacı Qədir oğlu. “Körpü” qəzeti. Yanvar 1992-ci il, № 1(10). səh. 2.
5. Elbrus Şahmar. Hacı İsmayıl Hacı Qədir oğlu. “Şəhriyar” qəzeti. 08.04.93. Səh.7.
6. Elbrus Şahmar. “Məhəbbət Allahın əmanətidir” kitabında “Hacı İsmayıl Hacı Qədir oğlu Bakı, 1995, səh.35-38.
7. “Hacı İsmayıl Hacı Qədir oğlu”. “Azersun” aylıq informasiya bülleteni. Oktyabr, 2004, sayı 17, səh. 8.
8. “Hacı İsmayıl Hacı Qədir oğlu”. Müəllif Əhməd-Cabir Əhmədov. Azərbaycan Jurnalistlər Birliyinin üzvi. “Gələrsən-Görərsən” ictimai-siyasi, elmi-kütləvi publisistik jurnal. № 4. Səh. 40-42.
9. Əhmədov Ə.İ. “Hacı İsmayıl 100”. (Hacı İsmayıl Hacı Qədir oğlunun anadan olmasının 100 illiyi münasibətilə). Bakı: “Azərnəşr”. 2007. 176 səh.

Qeyd: Sonuncu kitabda Hacı İsmayıl Hacı Qədir oğlu haqqında xarici ölkə jurnallarında nəşr olunan bir çox yazıların mətni və şəkilləri verilmişdir.