Hidayət Cəfərov

Hidayət Cəfərov
Cəfərov Hidayət Cəfər oğlu
Hidayət Cəfərov.
Doğum tarixi	15 iyun 1953 (1953-06-15)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	kimya
Elmi dərəcəsi	kimya elmləri namizədi
Elmi adı	dosent
Təhsili	M.Əzizbəyov adına Azərbaycan Neft-Kimya İnstitutu (1969–1974)
Elmi rəhbəri	professor Əbdülrza Əbilov

Hidayət Cəfərov — kimya elmləri namizədi, dosent.

Haqqında məlumatlar

15 iyun 1953-cü il tarixdə Nuxada (indiki Şəki) anadan olub.

Təhsili

1969-cu ildə Şəki şəhər 10 №-li orta məktəbini bitirib.

1969 – 1974-cü illərdə M.Əzizbəyov adına Azərbaycan Neft-Kimya İnstitutunda,

1977 – 1980-cı illərdə “Neftkimyaavtomat” Elmi-Tədqiqat və Layihə İnstitutunun aspiranturasında təhsil alıb.

Elmi fəaliyyəti

1987-ci ildə professor Əbdülrza Əbilovun rəhbərliyi altında Azərbaycan Neft və Kimya İnstitutunun texnoloji proseslərin (istehsalatın) avtomatlaşdırılması Elmi Şurasında “Termiki krekinq prosesinin identifikasiyası və idarəetmə sistemlərinin sintezi” mövzusunda namizədlik dissertasiyası müdafiə edib.

19 məqalənin, 3 ixtiranın, 3 dərs vəsaitinin müəllifidir.

Əmək fəaliyyəti

1974-cü ildə təyinatla “Neftkimyaavtomat” Elmi-Tədqiqat və Layihə İnstitutunun (ETLİ) Bakı filialına işləməyə göndərilib.

1987-ci ildən sonra “Neftkimyaavtomat” ETLİ-də əvvəl böyük elmi işçi, sonra isə laboratoriya müdiri vəzifəsində çalışıb.

1989-cu ildən indiki Azərbaycan Dövlət Neft və Sənaye Universitetində dərs deyir; o cümlədən əvvəl müəllim,

1992-ci ildən isə dosent vəzifəsini tutub.

Ədəbiyyat

1. Məmmədov Ə., Xalıqov F. Cəfərov Hidayət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 96-97. — 1.000 nüsx.