Ləman Vaqifqızı

Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur.
Şəki Ensiklopediyası səhifəsi
Aydinsalis (müzakirə | redaktələr) tərəfindən edilmiş 10:42, 13 oktyabr 2021 tarixli redaktə
Ləman Vaqifqızı
Süleymanova Ləman Vaqif qızı
Ləman Vaqifqızı
Ləman Vaqifqızı.
Doğum tarixi 14 oktyabr 1977 (1977-10-14) (46 yaş)
Doğum yeri Balakən şəhəri, Azərbaycan SSR, SSRİ
Elm sahəsi filologiya
İş yeri AMEA Folklor İnstitutu, Təhsil şöbəsi (müdir)
Elmi dərəcəsi filologiya üzrə fəlsəfə doktoru
Elmi adı dosent
Təhsili

 • M.Ə.Rəsulzadə adına Bakı Dövlət Universitetinin Şəki filialı, filologiya fakültəsi (1995–1999)

 • Bakı Dövlət Universiteti, filologiya fakültəsi, magistratura, folklor və mifologiya ixtisası (1999–2001)

 • AMEA-nın Nizami adına Ədəbiyyat İnstitutu, aspirantura, folklor və mifologiya ixtisası (2002–2005)

Ləman Vaqifqızı (Ləman Süleymanova) — filologiya üzrə fəlsəfə doktoru, dosent, AMEA Folklor İnstitutunun Təhsil şöbəsinin müdiri.

Haqqında məlumatlar

14 oktyabr 1977-ci il tarixində Balakən şəhərində anadan olub.

Təhsili

1983 – 1994-cü illərdə Şəki rayon Cumakənd kənd orta məktəbində,

1995 – 1999-cu illərdə M.Ə.Rəsulzadə adına Bakı Dövlət Universitetinin Şəki filialının filologiya fakültəsində,

1999 – 2001-ci illərdə Bakı Dövlət Universitetinin filologiya fakültəsinin magistraturasında (folklor və mifologiya ixtisası üzrə),

2002 – 2005-ci illərdə AMEA-nın Nizami adına Ədəbiyyat İnstitutunun aspiranturasına (folklor və mifologiya ixtisası üzrə) təhsil alıb.

Əmək fəaliyyəti

2000-ci ildən AMEA Folklor İnstitutunda işləyir; əvvəlcə baş laborant, kiçik elmi işçi, elmi işçi, böyük elmi işçi, sonra isə aparıcı elmi işçi olub.

2011 – 2014-cü illərdə Azsaylı xalqların folkloru bölməsinə rəhbərlik edib.

2021-ci ildən Təhsil şöbəsinin müdiridir.

İkinci iş yerləri

2008 – 2009-ci illərdə Azərbaycan Müəllimlər İnstitutunun,

2008 – 2011-ci illərdə Bakı Avrasiya Universitetinin,

2009 – 2010-cu illərdə Azərbaycan Dillər Universitetinin,

2009 – 2012-ci illərdə Azərbaycan Turizm Universitetinin bakalavr və magistr pillələrində mühazirə və seminar dərslərini aparıb.

Elmi fəaliyyəti

2008-ci ildə “Şəki folklor mühiti” mövzusunda namizədlik dissertasiyasını müdafiə edib.

2012-ci ildə dosent elmi adını alıb.

80-dən artıq elmi məqaləsi Azərbaycanın və müxtəlif xarici ölkələrin elmi dərgilərində çap olunub.

Müxtəlif beynəlxalq və yerli elmi konfranslarda məruzə edib.

7 kitabı çap olunub:

Kitabları
  1. Şəki folklor mühiti. Bakı, “Elm və təhsil”, 2012, 248 səh.;
  2. Qarabağ: folklor da bir tarixdir (Cəbrayıl, Kəlbəcər və Tərtər rayonlarından toplanmış folklor örnəkləri). VI kitab. Bakı, “Zərdabi LTD” MMC, 2013, 468 səh.;
  3. Qarabağ: folklor da bir tarixdir (Xocavənd rayonundan toplanmış folklor örnəkləri). VII kitab. Bakı, “Zərdabi LTD” MMC, 2014, 444 səh.;
  4. Şəki folklor örnəkləri. II kitab. Bakı “Elm və təhsil”, 2014, 408 səh.;
  5. Şəki folklor örnəkləri. III kitab. Bakı “Elm və təhsil”, 2016, 364 səh.;
  6. Azərbaycan bayatıları. Bakı, “Şərq-Qərb”, 2017, 423 səh.;
  7. Dambur ifaçılığı və hayla yaradıcılığı. Bakı, “Elm və təhsil”, 2020, 264 səh.

Bir neçə kitabın elmi redaktorudur. AMEA Folklor İnstitutunun nəzdində nəşr olunan “Dədə Qorqud” adlı elmi-ədəbi toplunun 2006-2012-ci illər ərzində ədəbi işçilərindən biri olub. İKT üzrə Milli Strategiya layihəsi çərçivəsi daxilində Azərbaycan dilində orfoqrafiyasının yoxlanması üçün proqram sisteminin (Spell Check) hazırlanmasında dilçi-ekspert kimi iştirak edib.

“Bayatı yaradıcılığında kontekst, funksiya və variantlaşma” adlı doktorluq dissertasiyasının üzərində işləyir.

Digər

AMEA Folklor İnstitutunun nəzdində 5719.01 folklorşünaslıq ixtisası üzrə fəlsəfə doktoru elmi dərəcəsi almaq üçün təqdim olunan dissertasiyaların müdafiəsini keçirən FD.01.201 Dissertasiya Şurasının Elmi Seminarının üzvüdür.

Ədəbiyyat

  1. Məmmədov Ə., Xalıqov F. Vaqifqızı Ləman // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 365-366. — 600 nüsx. — ISBN 5-8066-1708-4.
  2. Folklor İnstitutunun fəlsəfə doktorları : Süleymanova Ləman Vaqif qızı : [arx. 6 Jun 2021 - 6 Jun 2021] // Azərbaycan Milli Elmlər Akademiyası. — Müraciət tarixi: 13.10.2021.
  3. Ləman Vaqif qızı Süleymanova : [arx. 3 Mar 2017 - 15 Feb 2020] // [ttp://www.folklor.az/ Azərbaycan Milli Elmlər Akademiyası Folklor İnstitutu]. — Müraciət tarixi: 13.10.2021.