Məhəmmədhəsən Abdullayev

Məhəmmədhəsən Abdullayev (1920–2001) — uzun müddət Şəki şəhər 10 №-li orta məktəbində kimya-biologiya fənnindən dərs demiş tanınmış pedaqoq, SSRİ maarif əlaçısı.

Məhəmmədhəsən Abdullayev
Abdullayev Məhəmmədhəsən İbrahim oğlu
Məhəmmədhəsən Abdullayev.
Doğum tarixi	1 avqust 1920(1920-08-01)
Doğum yeri	Oxud, Nuxa qəzası, Azərbaycan SSR
Vəfat tarixi	16 aprel 2001 (80 yaşında)
Vəfat yeri	Şəki, Azərbaycan
Vətəndaşlıq	SSRİ→ Azərbaycan
İxtisası	biologiya üzrə elmi işçi, ali və orta məktəb müəllimi
Təhsili	• Nuxa tibbi fəhlə fakültəsi (1934–1937)  • S.M.Kirov adına Azərbaycan Dövlət Universiteti, biologiya fakültəsi (1937–1941)
Mükafatları

Haqqında məlumatlar

1 avqust 1920-ci il tarixdə Nuxa qəzasının Oxud kəndində anadan olub.

Təhsili

1927 – 1934-cü illərdə Oxud kənd yeddiillik məktəbində,

1934 – 1937-ci illərdə Nuxa tibbi fəhlə fakültəsində,

1937 – 1941-ci illərdə S.M.Kirov adına Azərbaycan Dövlət Universitetinin biologiya fakültəsində təhsil alıb.

Hərbi xidmətdə

1942-ci ildə Sovet Ordusu sıralarına çağırılıb. Böyük Vətən müharibəsində iştirak edib.

1943-cü ildə yaralanıb və sıravi əsgər rütbəsi ilə ordudan tərxis olunub.

Əmək fəaliyyəti

1941-ci ildə Balakən rayonunda orta məktəb müəllimi və orta məktəb direktoru vəzifəsində əmək fəaliyyətinə başlayıb.

1943 – 1988-cı illərdə əvvəl bir neçə il Nuxa şəhər Xalq Maarifi Şöbəsində orta məktəblər üzrə inspektor vəzifəsində çalışıb, daha sonralar isə müxtəlif vaxtlarda Nuxa/Şəki şəhər 7, 11 və 10 №-li məktəblərində kimya-biologiya fənnindən dərs deyib.

Təltif və mükafatları

• “Əməkdə fərqlənməyə görə” medalı;
• “1941-1945-ci illər Böyük Vətən müharibəsində qələbənin 20 illiyi” yubiley medalı (1965);
• “İgidliyə görə” medalı (SSRİ) (08.06.1967);
• “1941-1945-ci illər Böyük Vətən müharibəsində qələbənin 30 illiyi” yubiley medalı (1975);
• I dərəcəli “Vətən Müharibəsi” ordeni (06.04.1985);
• “1941-1945-ci illər Böyük Vətən müharibəsində qələbənin 40 illiyi” yubiley medalı (1985).
• “SSRİ maarif əlaçısı” döş nişanı.

Vəfatı

16 aprel 2001-ci il tarixdə – 80 yaşında, Şəkidə vəfat edib.

Ədəbiyyat

1. Абдуллаев Мамедгасан Ибрагим-оглы : [arx. 18.07.2021] : [rus.] // Память народа. — Müraciət tarixi: 18.07.2021.
2. Абдуллаев Мамедгасан Ибрагим-оглы : Орден Отечественной войны I степени : [arx. 25.07.2021] : [rus.] // Память народа. — Müraciət tarixi: 18.07.2021.
3. Məmmədov Ə., Xalıqov F. Abdullayev Məhəmmədhəsən // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 20-21. — 1.000 nüsx.