Məjlum Şükürov
Məjlum Şükürov — texnika elmləri namizədi, III çağırış (2006 – 2011) Azərbaycan Respublikası Milli Məclisinin deputatı. Həmçinin, 2005 – 2010-ci illərdə Şəki Şəhər Bələdiyyəsinin üzvü olmuşdur.
| Məjlum Şükürov | |
|---|---|
| Şükürov Məjlum Şükür oğlu | |
 | |
| Məjlum Şükürov, 2007-ci il | |
| Doğum tarixi | 1 sentyabr 1954 |
| Doğum yeri |
Aşağı Küngüt, Nuxa rayonu, .svg){kind=small} Azərbaycan SSR,  SSRİ |
| Vətəndaşlıq |
SSRİ→ Azərbaycan |
| Elmi dərəcəsi | elmlər namizədi |
| Təhsili |
S.M.Kirov adına Azərbaycan Dövlət Universiteti, mexanika-riyaziyyat fakültəsi (1971 – 1976) Leninqrad Aqrofizika İnstitutu, aspirantura (1980 – ?) Leninqrad Aqrofizika İnstitutu, doktorantura (1989 – ? ) |
Haqqında məlumatlar
1 sentyabr 1954-cü ildə Nuxa rayonunun Aşağı Küngüt kəndində anadan olub.
Təhsili
1961 – 1971-ci illərdə Aşağı Küngüt kənd orta məktəbində oxuyub.
1971 – 1976-cı illərdə S.M.Kirov adına Azərbaycan Dövlət Universitetinin mexanika-riyaziyyat fakültəsində təhsil alıb.
1980-cı ildə Leninqrad Aqrofizika İnstitutunun aspiranturasına,
1989-ci ildə isə Leninqrad Aqrofizika İnstitutunun doktoranturasına qəbul olunub.
Əmək fəaliyyəti
1976 – 1980-cı illərdə Azərbaycan SSR Elmlər Akademiyasının Kibertexnika İnstitutunda işləyib.
1984 – 1986-cı illərdə Əkinçilik Elmi Tədqiqat İnstitutunda kiçik elmi işçi,
1986 – 1989-cu illərdə isə baş elmi işçi vəzifəsində çalışıb.
1996-cı ildə Əkinçilik Elmi Tədqiqat İnstitutunun Şəki Dayaq Məntəqəsinə direktor təyin edilib.
2006 – 2011-ci illərdə III çağırış Azərbaycan Respublikası Milli Məclisinin deputatı olub.
Elmi fəaliyyəti
1985-ci ildə namizədlik dissertasiyası müdafiə edib.
İstifadə edilmiş ədəbiyyat
Məmmədov Ə., Xalıqov F. Şükürov Məjlum // Şəki: Alim və ziyalılar. — Bakı: “Elm”, 2007. — 2 cilddə. — II cild. — Səhifələrin sayı: 428. — Səh.: 376 – 379. — 600 nüsx. — ISBN 5-8066-1708-4.